شاہین آفریدی، وسیم اکرم نہیں کہ انہیں سَر پہ بٹھایا جائے: روی شاستری

سابق بھارتی کرکٹر اور کمنٹیٹر روی شاستری نے فاسٹ بولر شاہین شاہ آفریدی پر کڑی تنقید کرتے ہوئے کہا ہے کہ شاہین شاہ آفریدی کوئی وسیم اکرم نہیں ہیں، وہ ایک اچھے بالر ہیں لیکن انہیں زیادہ ہائپ دینے کی ضرورت نہیں ہے۔

روی شاستری نے کہا کہ پاکستان کے پاس نواز اور شاداب خان کی موجودگی کے باوجود کوالٹی اسپنرز کی کمی ہے۔

پاک بھارت میچ میں کمنٹری کے دوران روی شاستری کے ہمراہ عرفان پٹھان بھی موجود تھے، جنہوں نے قہقہہ لگایا اور شاہین شاہ آفریدی کا مذاق اڑانے کی کوشش کی، جس کی ویڈیو وائرل ہو رہی ہے۔

یاد رہے کہ بھارت کیخلاف میچ میں پاکستان کو 155 پر محض 2 وکٹوں کا نقصان ہوا تھا تاہم 191 رنز پر ٹیم آل آؤٹ ہوگئی تھی جس انہیں تنقید کا سامنا ہے، قومی ٹیم نے 8 وکٹیں صرف 36 رنز پر گنوائیں اور بھارت نے میچ باآسانی 7 وکٹوں سے جیت لیا تھا۔