بھارت میں کھیلے جارہے آئی سی سی مینز ون ڈے ورلڈ کپ میں گزشتہ روز بھارت اور بنگلہ دیش آمنے سامنے تھے جس میں بھارت نے بنگلہ دیش کو 7 وکٹوں سے شکست دے دی۔
میچ میں ویرات کوہلی نے اپنے ون ڈے کیریئر کی 48ویں سینچری اسکور کی اور مین آف دی میچ قرار پائے۔
لیکن ویرات کوہلی کی سینچری اس وقت موضوع بحث بنی ہوئی ہے کہ کس طرح میچ میں امپائر رچرڈ کیٹلبرو نے کوہلی کی سینچری مکمل کرانے کے لیے واضح وائیڈ بال نہیں دی۔
سوشل میڈیا صارفین کی جانب سے امپائر رچرڈ کیٹلبرو پر ویرات کوہلی کی سینچری مکمل کرانے کے لیے قوانین سے روگردانی کا الزام لگایا جارہا ہے۔
ایک بنگلہ دیشی صارف نے لکھا کہ مجھے ویرات کوہلی بہت پسند ہیں اور ان کے سینچری بنانے پر بھی مجھے کوئی اعتراض نہیں ہے کیونکہ ہم ویسے بھی بری طرح ہار رہے تھے لیکن امپائر رچرڈ کیٹلبرو نے بری مثال قائم کی۔
I love Virat Kohli. I don’t mind seeing him scoring that hundred as we were badly losing anyway.
But Richard Kettleborough set an awful example here. It is nothing new that the bowlers try the ‘ugly’ way to restrict a batsman’s hundred. There is no rule that states that a… pic.twitter.com/5hPMK31N6I
— Saif Ahmed 🇧🇩 (@saifahmed75) October 19, 2023
ان کا کہنا تھا کہ بولر تو بلے باز کی سینچری میں رکاوٹ ڈالنے کے لیے بہت سے برے طریقے بھی آزماتے ہیں یہ کوئی نئی بات نہیں۔ ایسا کوئی اصول نہیں ہے جس میں کہا گیا ہو کہ بولر ایسا نہیں کر سکتا۔
صارف نے کہا کہ یہ یقینی طور پر قواعد کی کتاب میں موجود ہے کہ امپائر وائیڈ بال کو صرف اس وجہ سے مسترد نہیں کر سکتا کہ ایک بلے باز سنچری بنانے کا موقع کھو سکے۔ ان کا کہنا تھا کرکٹ ایمپائروں کے لیے بہت مہربان ہے وہ یہاں بہت سے غلط فیصلے کرتے ہیں لیکن ان کو کبھی نتائج کا سامنا نہیں کرنا پڑا۔
بنگلہ دیشی صارف نے کہا کہ ڈیوڈ وارنر نے کچھ دن پہلے ایک بہترین بات کہی تھی کہ ایک امپائر کے اعدادوشمار بھی دکھائے جانے چاہیئں کہ کس نے کتنے درست اور کتنے غلط فیصلے کیے ہیں۔
ایک صارف نے لکھا کہ یہ واضح طور پر وائیڈ بال تھی لیکن ایمپائر انڈیا کے ساتھ کھلاڑی کے طور پر کھیل رہا تھا۔
It was clear and big big wide ball but empires playing with India as their player https://t.co/nkw9DZ7eV3
— میاں جی (@farooqmfp) October 19, 2023
بھارتی صارف وی جے نے لکھا کہ نہ صرف بھارتی بلے باز کے ایل راہول بلکہ امپائر بھی ویرات کوہلی کو سینچری اسکور کرتے ہوئے دیکھنا چاہتا تھا۔
Not just KL Rahul, even the umpire wants Virat to score a century…😂😂#indiavsbangladesh #IndVsBang #BANvsIND #BANvIND #CWC23 pic.twitter.com/9nr7nUhbdD
— VJ (@VJsGamer) October 19, 2023
ایمن نے کہا کہ افسوس کی بات ہے کہ امپائرز کا احتساب نہیں ہوتا۔
There's no accountability of the umpires.Sadly https://t.co/Cnz8UudMwv
— Aزman (@azman_96_aj) October 19, 2023
واضح رہے کہ 42ویں اوور میں جب ویرات کوہلی 97 رنز پر بیٹنگ کر رہے تھے اور انہیں اپنی سینچری مکمل کرنے کے لیے 3 رنز درکار تھے جبکہ بھارت فتح سے صرف 2 رنز دور تھی۔
ایسے میں بنگلہ دیشی بولر نسیم احمد نے 42ویں اوور کی پہلی گیند وائیڈ کرادی لیکن امپائر نے مبینہ طور پر ویرات کوہلی کو فائدہ پہنچانے کے لیے اسے وائیڈ بال قرار نہیں دیا کیونکہ ایسی صورتحال میں اسکور لیول ہوجاتا اور کوہلی کی سینچری خطرے میں پڑسکتی تھی۔
