پی ٹی آئی احتجاج کے پیش نظر راولپنڈی اور اسلام آباد میں تعلیمی ادارے بدھ کو بھی بند رہیں گے۔
یہ بھی پڑھیں: راولپنڈی اور اسلام آباد کے تعلیمی ادارے منگل کو بھی بند رہیں گے
راولپنڈی کے ڈپٹی کمشنر حسن وقار چیمہ کی جانب سے تعلیمی اداروں میں چھٹی کا نوٹیفیکیشن جاری کردیا گیا ہے جس کے مطابق بدھ کو شہر کے تمام تعلیمی ادارے بند رہیں گے۔
مزید پڑھیے: رینجرز نے پی ٹی آئی مظاہرین کو پیچھے دھکیل کر ڈی چوک کا کنٹرول دوبارہ سنبھال لیا
نوٹیفکیشن میں کہا گیا ہے کہ امن و امان کی موجودہ صورتحال اور ضلعی انٹیلی جینس کمیٹی کی تجاویز کے پیش نظر راولپنڈی کی حدود میں قائم تمام سرکاری اور نجی تعلیمی اداروں میں 27 نومبر کو چھٹی ہوگی۔
مزید پڑھیں: پی ٹی آئی قافلہ ڈی چوک پہنچنے کے بعد اسلام آباد کے کونسے راستے کھل گئے؟
دریں اثنا اسلام آباد میں جہاں راولپنڈی کی طرح 26 نومبر کو تعلیمی ادارے بند رکھنے کا اعلان کیا گیا تھا وہیں بدھ 27 نومبر کو بھی تعلیمی ادارے بدستور بند رکھنے کا فیصلہ کیا گیا ہے۔
واضح رہے کہ اسلام آباد میں پی ٹی آئی کے احتجاج کے باعث مختلف راستے بند ہیں اور سیکیورٹی کے پیش نظر سخت اقدامات کیے گئے ہیں۔
