ترکیہ کے صدر رجب طیب اردوان نے غزہ پر اسرائیلی بمباری سے ہزاروں فلسطینی بچوں کی شہادت پر ملک بھر میں 3 روزہ سوگ کا اعلان کیا ہے۔
ترکیہ کے صدر رجب طیب اردوان نے سوشل میڈیا پر ایک بیان جاری کیا ہے جس میں انہوں نے کہا ہے کہ بحیثیت ترکیہ، ہم اپنے فلسطینی بھائیوں کا دُکھ اپنے دِل میں محسوس کر رہے ہیں۔ زیادہ تر بچوں پر مشتمل ہزاروں شہیدوں کے احترام میں ملک میں 3 روزہ سوگ کا اعلان کیا گیا ہے۔
مزید پڑھیں
واضح رہے کہ اسرائیل نے گذشتہ شام غزّہ کے الاہلِ بپٹسٹ اسپتال پر بمباری کی جس کے نتیجے میں 471 شہری شہید ہو گئے تھے۔ اسرائیل کی طرف سے 7 اکتوبر سے شروع کیے گئے حملوں میں 3 ہزار سے زیادہ فلسطینی شہید ہو چُکے ہیں اور زخمیوں کی تعداد 12 ہزار 500 سے زیادہ ہے۔
