ترکیہ کے صدر رجب طیب اردون نے کہا ہے کہ اسرائیل ایک دہشتگرد ریاست ہے، نیتن یاہو کو کہتا ہوں کہ اب تمہارا اختتام قریب ہے۔
پارلیمانی گروپ سے خطاب کرتے ہوئے رجب طیب اردوان نے کہاکہ اسرائیل غزہ کے عوام کو مکمل طور پر ختم کرنے کی حکمت عملی پر عمل پیرا ہے۔
مزید پڑھیں
انہوں نے اسرائیلی وزیراعظم سے مخاطب ہوتے ہوئے کہاکہ ایٹم بم کی بنیاد پر دھمکیاں دینے والوں کا انجام قریب ہے۔
رجب طیب اردوان نے کہاکہ اسرائیل غزہ میں جو کر رہا ہے اگر یہ قتل عام اسی طرح جاری رہا تو اس دہشت ریاست کی پوری دنیا سے توثیق ہو جائے گی۔
انہوں نے کہاکہ ہم کوشش جاری رکھیں گے کہ اسرائیل کو عالمی میدان میں تنہا کیا جائے۔
رجب طیب اردوان نے کہاکہ غزہ میں ظلم و ستم کرنے والے سیاسی و فوجی رہنماؤں کے خلاف عالمی عدالتوں میں مقدمات چلانے کے لیے بھی اقدامات کریں گے۔
