مسلم لیگ ن کے قائد نواز شریف کے استقبالی جلسے میں شرکت کے لیے پارٹی کارکنان شام 6 بجے سے مینار پاکستان پہنچنا شروع ہو گئے، گلگت بلتستان، خیبر پختونخوا، کشمیر ڈی آئی خان اور سندھ کے علاقے جیکب آباد سمیت ملک کے مختلف حصوں سے قافلوں کی صورت میں کارکنان مینار پاکستان پہنچے اور پارٹی کی جانب سے چاند رات کے اعلان پر خوب جشن منایا۔
خیمہ بستی
کارکنان کے لیے خیمہ بستی بھی قائم کی گئی ہے بڑی اسکرینوں پر پاک آسٹریلیا کرکٹ میچ دکھایا گیا، مریم نواز کے جلسہ گاہ پہنچنے پر بھر پور آتشبازی بھی کی گئی، جلسہ گاہ میں تمام طر انتظامات کو مکمل کر لیا گیا ہے۔
مسلم لیگ ن کی چیف آرگنائزر مریم نواز گریٹر اقبال پارک پہنچ گئیں۔ ’ایم ایس ایف زندہ باد‘ کے نعرے لگوا دیے۔ @MaryamNSharif @pmln_org #MaryamNawaz #PMLN #WENews pic.twitter.com/i42olkFKXa
— WE News (@WENewsPk) October 20, 2023
جلسہ گاہ کا دورہ
سابق وزیراعظم شہباز شریف، پارٹی آرگنائزر مریم نواز، سابق وزیر اعلیٰ حمزہ شہباز شریف، رانا ثنا اللہ سمیت مسلم لیگ ن کی دیگر قیادت نے جلسہ گاہ کا دورہ کیا اور اپنے قائد نواز شریف کے استقبالی جلسے کے لیے کیے گئے انتظامات کا جائزہ لیا، مرکزی سٹیج سے مریم نواز اور حمزہ شہباز نے کارکنان کو ہاتھ ہلا کر جواب دیے، جبکہ دور دراز علاقوں سے آئے کارکنان کو Thumbs Up کیا۔
مسلم لیگ ن کے قائد نواز شریف کی آمد پر ن لیگ کا جلسہ۔ ملک بھر سے قافلے مینار پاکستان پر پہنچنا شروع۔ جلسہ گاہ میں عوام کا نواز شریف کی آمد پر کیا کہنا ہے جانیے وی نیوز کے نمائندہ عارف ملک سے @arifawan779 #MaryamNawaz #NawazSharif #WENews pic.twitter.com/gQjxlrqeko
— WE News (@WENewsPk) October 20, 2023
رانا ثناء اللہ نے اسٹیج سے شہباز شریف کو جلسہ گاہ سے متعلق تفصیلی بریفننگ دی۔
مسلم لیگ ن کے رہنما خواجہ سعد رفیق، مریم اورنگزیب، طلال چوہدری، عظمی بخاری، سلما بٹ اور دیگر جلسہ گاہ میں کارکنان سے گفتگو کرتے نظر آئے اور ان کے حوصلے کو بڑھاتے رہے۔
سابق وزیر اعظم نواز شریف کی پاکستان آمد پر مسلم لیگ ن کا مینار پاکستان پر جلسہ۔ صدر ن لیگ شہباز شریف اور چیف آرگنائزر مریم نواز انتظامات کا جائزہ لینے جلسہ گاہ پہنچ گئے۔#PMLN #WENews #NawazSharif pic.twitter.com/xySaxBf3w7
— WE News (@WENewsPk) October 20, 2023
10 مقامات پر بڑی اسکرینیں
جلسہ گاہ میں 10 مقامات پر بڑی اسکرینیں نصب کی گئی ہیں جن میں آج ورلڈ کپ میں کھیلا گیا پاکستان اور آسٹریلیا کا میچ دکھایا گیا، کرکٹ شائقین کی بڑی تعداد نے میچ دیکھا اور پاکستانی بلے بازوں کی جانب سے مارے گئے ہر چوکے اور چھکے پر ٹیم کو داد دی اور تالیاں بجائیں۔
Shehbaz Sharif, Maryam Nawaz, and Hamza Shehbaz’s joint efforts in organizing the grand welcome at Minar-e-Pakistan speak volumes about their deep affection for Nawaz Sharif. A beautiful family bond in action!
#خوش_آمدید_نوازشریف pic.twitter.com/DChQEkyluk
— PML-N Digital (@pmlndigitalpk) October 20, 2023
آتشبازی
شہباز شریف اور مریم نواز کے جلسہ گاہ پہنچنے پر بھر پور آتشبازی کی گئی جو کہ 10 منٹ تک جاری رہی۔
گلگت بلتستان کا قافلہ
مینار پاکستان میں مسلم لیگ ن کے جلسے میں شرکت کے لیے گلگت بلتستان سے 2 ہزار لوگوں لا قافلہ پہنچا تو میڈیا نمائندوں نے نا کارکنان کو انٹرویوز کے لیے گھیر لیا، تمام کارکنان نے روایتی بلتی کیپ پہنی ہوئی تھی۔
کارکنان کا کہنا تھا کہ نواز شریف نے ہمیں یونیورسٹی دی، ہسپتال دیے، سڑکیں دیں اس لیے ہم 1700 کلومیٹر کا سفر طے کر کہ نواز شریف کے استقبال کے لیے مینار پاکستان پہنچے ہیں۔
ایم ایس ایف کا اسٹیج
مسلم لیگ ن کی طلبہ تنظیم ایم ایس ایف نے مینار پاکستان میں ہی ایک الگ اسٹیج لگایا ہوا تھا جبکہ ایم ایس ایف کی طرف سے ملک بھر سے آئے طلبہ کے لیے خیمہ بستی بھی قائم کی گئی جس میں ہر ڈویژن کے طلبہ کے لیے الگ الگ رہنے کا انتظام کیا گیا تھا۔
سندھی ٹوپی اور اجرک
ایم ایس ایف کے اسٹیج کے سامنے نوجوانوں کا جذبہ دیدنی تھا۔ صوبہ سندھ کے علاقے جیکب آباد سے مسلم لیگ ن اور ایم ایس ایف کے کارکنان کی بڑی تعداد نے سندھی ٹوپی اور اجرک پہن کر جلسہ گاہ میں شرکت کی۔
مسلم لیگ ن کا مینار پاکستان پر جلسہ: نواز شریف کی آمد پر سیکورٹی کے کیا انتظامات کیے گئے ہیں؟ وی نیوز کے نمائندہ زبیر علی خان گریٹر اقبال پارک پر تیار کیے گئے مرکزی اسٹیج سے رپورٹ کر رہے ہیں@ZubairAlikhanUN #WENews #Lahore #NawazSharif pic.twitter.com/scamGY4nHB
— WE News (@WENewsPk) October 20, 2023
پارٹی ترانوں پرنعرے بازی
سابق وزیراعظم نواز شریف تو ابھی پاکستان پہنچے بھی نہیں تاہم خواتین، بچوں سمیت نوجوان ہزاروں کی تعداد مینار پاکستان جلسہ گاہ پہنچی اور پارٹی کے ترانوں پر بھر پور نعرے بازی کی، آتشبازی دیکھی۔ جبکہ بڑی اسکرینوں پر دکھائے جانے والا پاک آسٹریلیا میچ بھی انجوائے کیا۔
