امیر جماعت اسلامی کراچی حافظ نعیم الرحمن نے کہا ہے کہ فلسطین کی صورتحال مسلم ممالک کے حکمرانوں کے لیے سوالیہ نشان ہے جو سوائے زبانی جمع خرچ کے کچھ نہیں کر رہے۔
لبیک یا اقصی 🇵🇸❤
Feedback of Participants PALESTINE MARCH Karachi #PalestineGenocide#فلسطين_الان #hospital #Gaza #GazaAttack #IsraeliNewNazism #IsraelTerorrist pic.twitter.com/vvPetr6QKo— JI Women Karachi (@JIwomenKarachi) October 18, 2023
اسرائیل کی غزہ پر وحشیانہ بمباری اور فلسطینی مسلمانوں سے اظہار یکجہتی کے لیے کراچی میں شارع فیصل پر خواتین مارچ سے خطاب کرتے ہوئے انہوں نے کہا کہ اسرائیل فلسطین میں دہشت گردی کررہا ہے جبکہ برطانیہ، اٹلی، جرمنی اور امریکا نے اسرائیل کا ساتھ دینے کا اعلان کیا ہے۔انہوں نے کہا کہ غزہ قبرستان کی کیفیت اختیار کرچکا ہے، معصوم بچوں کی لاشیں ملبے تلے موجود ہیں لیکن کئی ریاستیں اسرائیل کی دہشت گردی کا ساتھ دے رہی ہیں۔
مزید پڑھیں
حکمران مسجد اقصیٰ کی حفاظت نہیں کر سکتے تو کیوں مسلط ہیں
حافظ نعیم الرحمٰن نے کہا کہ غزہ کی صورتحال مسلم حکمرانوں کے لیے سوالیہ نشان ہے جو سوائے زبانی جمع خرچ کے کچھ نہیں کر رہے ہیں، اسلامی ممالک کی افواج کی تعداد 70 لاکھ سے زائد ہے جبکہ یہ حکمران خاموش تماشائی بنے ہوئے ہیں، اگر مسلم حکمران مسجد اقصیٰ کی حفاظت نہیں کرسکتے تو کیوں ہمارے سروں پر مسلط ہیں، مارچ میں شریک بچے اور عورتیں ان حکمرانوں سے مطالبہ کررہی ہیں کہ فلسطین کے مسلمانوں کی مدد کریں۔
نبی پاک ﷺ کا کیسے سامنا کریں گے اگر سوال ہوا امت کے بچے شہید ہورہے تھے تم کیا کر رہے تھے ؟؟ #Palestine #brotherhood #JamaateIslami #pakistan #karachi #hafiznaeem #fundraiser pic.twitter.com/EfjoIUQP0T
— Jamaat e Islami Karachi (@KarachiJamaat) October 25, 2023
ایٹم بم اور میزائل کس دن کے لیے رکھے ہوئے ہیں
امیر جماعت اسلامی کراچی نے اپنے خطاب میں حماس کے مجاہدین کو سلام پیش کرتے ہوئے کہا کہ حماس کے مجاہدین نے اسرائیل کے عزائم کو خاک میں ملادیا، امت مسلمہ کے حکمرانوں نے کس دن کے لیے ایٹم بم اور میزائل رکھے ہوئے ہیں، اسرائیل کے دہشت گرد صیہونی ہر سال فلسطینی بچوں، بزرگوں اور جوانوں کا قتل عام کرتے ہیں، حماس کے نوجوان اسرائیل کے سامنے مزاحمت کا راستہ اختیار کیے ہوئے ہیں، مسجد اقصی ہر مسلمان کی ہے، حماس کے مجاہدین تمام مسلمانوں کی نمائندگی کررہے ہیں۔
🇵🇸فلسطین مارچ خواتین🇵🇸
ناظمہ صوبہ سندھ رخشندہ منیب اور ناظمہ کراچی اسماء سفیر حلقہ خواتین جماعت اسلامی ضلع قائدین اور شرقی کے خواتین مارچ کی قیادت کر رہی ہیں ۔#Gaza_Genocide#كتائب_القسام #BabarAzam #الحرب_العالمية_الثالثة pic.twitter.com/8tDfWTHOWq— JI Women Karachi (@JIwomenKarachi) October 25, 2023
اسرائیل سے پینگیں بڑھانے والے سن لیں
حافظ نعیم الرحمٰن نے کہا کہ عرب ممالک اسرائیل سے تعلقات بڑھانے کی کوشش کررہے ہیں لیکن حماس کے مجاہدین نے اسرائیلی دہشت گردی کا منہ توڑ جواب دیا اور اس کے سارے عزائم خاک میں ملا دیے، اسرائیل سے پینگیں بڑھانے والے سن لیں کہ ہم حماس کے مجاہدین اور فلسطین کے عوام کے ساتھ ہیں، ہمارے سینوں میں جذبہ جہاد اور شوق شہادت کی تمنا دلوں میں ہے، ہم لڑ نہیں سکتے لیکن امت مسلمہ کے حکمرانوں، فوجیوں اور جرنیلوں کو جگانے کے لیے مارچ کریں گے، ہم فلسطین کی مدد کے لیے مالی امداد کریں گے۔
حکمران فوج سامنے لائیں یا پیچھے ہٹ جائیں
انہوں نے مزید کہا کہ حکمرانوں کو ہٹانے کے لیے ایک بڑی جدوجہد کی ضرورت پر زور دیتے ہوئے کہا حکمرانوں نوشتہ دیوار پڑھ لو، اب عوام میں غیض و غضب موجود ہے، حکمران فلسطین کی مدد کے لیے فوج کو سامنے لائیں اور اقدامات کریں یا پیچھے ہٹ جائیں، انہوں نے کہا کہ جوبائیڈن روز کہتا ہے کہ اسرائیل ٹھیک کررہا ہے، امریکا ایک دہشت گرد ریاست ہے جسے 2 کروڑ ریڈ انڈینز کی لاشوں سے بنایا گیا ہے، ہم دہشت گردوں کی پشت پناہی کرنے والوں کو بے نقاب کریں گے اور حکمرانوں کو مجبور کریں گے کہ وہ فلسطینیوں کی مدد کریں۔
وزیراعظم اور آرمی چیف فلسطینی مسلمانوں کی مدد کریں
حافظ نعیم الرحمٰن نے نگراں وزیراعظم انوارالحق کاکٹر اور آرمی چیف جنرل عاصم منیر سے کہا کہ وہ آگے بڑھ کر فلسطینی مسلمانوں کی مدد کریں، عالم اسلام کی افواج کو جمع کرکے پیش قدمی کریں تب ہی اسرائیل پیچھے ہٹنے پر مجبور ہوگا۔
