سابق کپتان اور وکٹ کیپر بیٹر راشد لطیف نے انکشاف کیا ہے کہ چیئرمین پی سی بی مینجمنٹ کمیٹی ذکا اشرف دو دن سے قومی ٹیم کے کپتان بابر اعظم کے میسجز اور کالز کا جواب نہیں دے رہے۔
پی ٹی وی اسپورٹس کے پروگرام ’گیم آن ہے‘ میں بات کرتے ہوئے راشد لطیف کا کہنا تھا کہ بابر اعظم نے پی سی بی کے اعلیٰ عہدیداران عثمان واہلہ اور سلمان نصیر سے بھی رابطہ کیا لیکن انہوں نے بھی کوئی جواب نہیں دیا۔
سابق کرکٹر راشد لطیف صاحب نے حیرت انگیز انکشاف کیا ہے کہ جناب پروفیشنل چئیرمین پی سی بی مینجمنٹ کمیٹی ذکاء اشرف صاحب قومی ٹیم کے کپتان بابر اعظم کے میسجز اور کالز کا جواب نہیں دے رہے.. کپتان نے عثمان واہلہ سلمان نصیر سے بھی رابطہ کیا انہوں نے بھی کوئی جواب نہیں دیا…
اور اب ذکاء… pic.twitter.com/QBgDnO14HS— Qadir Khawaja (@iamqadirkhawaja) October 27, 2023
کرکٹ بورڈ پر تنقید کرتے ہوئے سابق کپتان کا کہنا تھا کہ پاکستان کرکٹ بورڈ (پی سی بی) ورلڈ کپ کے دوران پریس ریلیز جاری کر رہا ہے کہ ہم کھلاڑیوں کے سینٹرل کنٹریکٹس کا ازسر نو جائزہ لیں۔ کھلاڑیوں کو گزشتہ 05 ماہ سے تنخواہیں نہیں دی گئیں تو کھلاڑی کیا خاک کارکردگی دکھائیں گے۔
