قومی ادارہ صحت ( این آئی ایچ) نے کہا ہے کہ ملک بھر میں 24 گھنٹوں کے دوران کورونا وائرس کے 42 نئے کیس رپورٹ ہوئے۔ 16مریضوں کی حالت تشویش ناک ہے۔
این آئی ایچ کی جانب سے جاری اعدادوشمار کے مطابق ملک بھر میں 24 گھنٹوں کے دوران5ہزار985کورونا ٹیسٹ کیے گئے جن میں سے42 افراد کے ٹیسٹ مثبت آئے ۔
اس مدت میں کورونا ٹیسٹ کی مثبت شرح 0.70 فیصد رہی۔ اس دوران کورونا وائرس سے کوئی مریض جاں بحق نہیں ہوا۔16 مریضوں کی حالت تشویشناک ہے۔
ملک بھر کے مختلف شہروں میں 24 گھنٹوں کے دوران کیے گئے ٹیسٹوں میں سے اسلام آباد میں 142 ٹیسٹ کیے گئے جن میں سے05 ٹیسٹ مثبت آئے اور وہاں پر مثبت کیسز کی شرح3.52فیصد رہی۔
راولپنڈی میں567ٹیسٹوں میں سے ایک ٹیسٹ مثبت آیا۔ وہاں پر شرح 0.18فیصد رہی۔ سرگودھا میں کئے گئے 138 ٹیسٹوں میں سے 02 ٹیسٹ مثبت آئے اور وہاں پرشرح 1.45فیصد رہی۔
لاہور میں ایک ہزار654 ٹیسٹوں میں سے25ٹیسٹ مثبت آئے اور وہاں پر مثبت کیسز کی شرح1.51 فیصد رہی ۔
