پاکستان تحریک انصاف کے رہنما اسد عمر نے کہا ہے انہیں استحکام پاکستان پارٹی میں شمولیت کی دعوت دی گئی ہے لیکن وہ پی ٹی آئی کے ساتھ کھڑے ہیں۔
رہنما تحریک انصاف (پی ٹی آئی ) اسد عمر نے لاہور میں انسداد دہشت گردی عدالت کے باہر میڈیا سے گفتگو میں کہا کہ ’استحکام پاکستان پارٹی کی اپنی سیاست ہے، ان کی سیاست میں انہیں بیسٹ آف لک۔
اسد عمر نے کہا کہ مجھے پہلے بھی آئی پی پی میں شمولیت کی دعوت دی گئی تھی لیکن میں تحریک انصاف اور عمران خان کے ساتھ کھڑا ہوں۔
مجھے استحکام پاکستان پارٹی میں شمولیت کی دعوت دی گئی تھی لیکن میں تحریک انصاف کے ساتھ ہوں۔
اسد عمر— Bakhtawar khan🇧🇫 (@Bakhtt_PTI) October 31, 2023
لاہور میں بڑھتی اسموگ پر تشویش کا اظہار کرتے ہوئے اسد عمر نے کہا کہ ابھی نومبر میں لاہور میں اسموگ کا یہ حال ہے، اس کی بہت بڑی وجہ گاڑیوں میں ناقص ایندھن کا استعمال ہے، ناقص ایندھن سے ماحولیات پر منفی اثر ہوتا ہے۔
انہوں نے کہا کہ پاکستان میں یہ قانون سازی کی گئی تھی کہ پاکستان میں صرف وہ ایندھن استعمال کیا جائے جو دنیا میں بہترین ہے، صرف اسی طریقے سے اسموگ پر قابو پایا جا سکتا ہے۔
9 مئی مقدمات، علیمہ خان اور اسد عمر کی ضمانت میں 22 نومبر تک توسیع
انسدادِ دہشت گردی عدالت لاہور میں 9 مئی واقعات پر درج مقدمات میں اسد عمر اور چیئرمین تحریک انصاف عمران خان کی بہنوں علیمہ خان اور عظمی خان کی عبوری ضمانتوں پر سماعت ہوئی۔
انسداد دہشت گردی عدالت نے اسد عمر، علیمہ خان، عظمی خان اور دیگر نامزد ملزمان کی ضمانتوں میں 22 نومبر تک توسیع کردی۔
