آئی سی سی مینز کرکٹ ورلڈ وکپ 2023 کا آج 34ویں میچ میں افغانستان نے اپنی کامیابیوں کا سلسلہ جاری رکھتے ہوئے نیدر لینڈز کو بھی 7 وکٹوں سے شکست دے دی، افغانستان پوائنٹ ٹیبل پر پاکستان کی جگہ 5 ویں نمبر پر آ گیا، افغانستان کی ٹیم نے نیدر لینڈز کا 180 رنز کا ہدف 3 وکٹوں کے نقصان پر 31.3 اوورز میں ہی مکمل کر لیا۔
افغانستان کے اوپنر بیٹرز نے نیدر لینڈز کے 180 رنز کے تعاقب میں اپنی اننگز کا آغاز کیا تو ابتدا میں افغانستان کو 27 رنز کے مجموعی اسکور پر پہلی وکٹ کا نقصان اٹھانا پڑا جب رحمان اللہ گرباز 10 رنز بنا کر وین بِک کی گیند پر ایڈورڈز کے ہاتھوں کیچ آؤٹ ہو گئے۔
افغانستان کی دوسری وکٹ 55 کے مجموعی اسکور پر گری جب ابراہیم زدران 20 رنز بنا کر ڈِر مروے کی گیند پر وِین بِک کے ہاتھوں کیچ آؤٹ ہو گئے، تیسری وکٹ 129 کے مجموعی اسکور پر گری جب رحمت شاہ 52 رنز بنا کر ثاقب ذولفقارنے اپنی ہی گیند پر ان کا کیچ پکڑ کر پویلین بھیج دیا۔
اس کے بعد ٹیم کو فتخ دلانے میں حشمت اللہ شاہدی اور عظمت اللہ عمرزئی نے اہم کردار ادا کیا، حشمت اللہ شاہدی نے 56 رنز اسکور کیے اور آؤٹ نہیں ہوئے اسی طرح عظمت اللہ عمرزئی نے 31 رنز اسکور کیے اور وہ بھی آؤٹ نہیں ہوئے۔
اس طرح افغانستان کی ٹیم نے نیدر لینڈز کو ہرا کر اپنی مسلسل تیسری کامیابی حاصل کر لی اور پوائنٹس ٹیبل پر پاکستان سے 5 ویں پوزیشن ایک بار پھر چھین لی۔ پاکستان اپنا میچ ہفتہ کے روز نیوزی لینڈ کے خلاف کھیلے گا۔
نیدرلینڈز کی جانب سے لوگان وین بک رولف وین در مروے اور ثاقب ذولفقار نے ایک ایک کھلاڑی کو آؤٹ کیا، افغانستان اب آئندہ دو میچ آسٹریلیا اور نیوزی لینڈ کے خلاف کھیلے گا۔
آئی سی سی مینز کرکٹ ورلڈ وکپ 2023 کا 34واں میچ لکھنؤ کے ایکانہ کرکٹ اسٹیڈیم میں کھیلا گیا۔ جہاں افغانستان کے خلاف نیدر لینڈز نے ٹاس جیت کر بیٹنگ کا فیصلہ کیا۔ نیدر لینڈز کے بیٹرز افغانستان کے بولرز کے سامنے ریت کی دیوار ثابت ہوئے اور 46.3 اوورز کے دوران 179 رنز پر آؤٹ ہوگئے۔ افغانستان کو جیت کے لیے 180 رنز درکار ہوں گے۔
نیدرلینڈز کے اوپننگ بلے باز ویسلے بیریسی چار گیندوں پر 1 رنز بنا کر مجیب الرحمٰن کی گیند پر ایل بی ڈبلیو آؤٹ ہو گئے۔ چمیکس او ڈاؤڈ 40 گیندوں پر 42 رنز بنا کر رن آؤٹ ہو گئے۔ کولن ایکرمین 35 گیندوں پر 29 رنز بنا کر اسٹمپ آؤٹ ہوگئے۔
نیدر لینڈ کے کپتان اسکاٹ ایڈورڈز نے ایک گیند کا سامنا کیا اور اکرام علی خیل کے ہاتھوں رن آؤٹ ہو گئے۔ باس ڈی لیڈے 6 گیندوں پر 3 رنز بنا کر محمد نبی کی گیند پر وکٹ کیپر کے ہاتھوں کیچ آؤٹ ہوگئے۔
ثاقب ذوالفقار 15 گیندوں پر 3 رنز بنا کر نور احمد کی گیند پر کیپر کے ہاتھوں کیچ آؤٹ ہو گئے۔ 13 گیندوں پر 9 رنز بنا کر لوگن وان بیک ، محمد نبی کے ہاتھوں آؤٹ ہو گئے۔
روئیلوف وین ڈیر مروے 33 گیندوں پر 11 رنز بنا کر نور احمد کے ہاتھوں آؤٹ ہوئے، پال وین میکرین 24 گیندوں پر 4 رنز بان کر محمد نبی کے ہاتھوں آؤٹ ہوئے۔
سائبرینڈ اینجلبریچ نے افغان بولرز کے سامنے مزاحمت دکھائی لیکن 86 گیندوں پر 58 رنز بنا کر رن آؤٹ ہو گئے۔
محمد نبی نے سب سے زیادہ 3، نور احمد نے 2 اور مجیب الرحمٰن نے 1 کھلاڑی کو آؤٹ کیا۔
نیدر لینڈ کے کپتان اسکاٹ ایڈورڈز نے ٹاس جیت کر پہلے بیٹنگ کرنے کا فیصلہ کیا، انہوں نے کہا کہ کوشش کریں گے میچ میں کامیابی سمیٹ کر سیمی فائنل کھیلنے کی امیدوں کو برقرار رکھیں۔
اس موقع پر افغان ٹیم کے کپتان حشمت اللہ شاہدی نے کہا کہ کوشش ہوگی فتح سمیٹیں سیمی فائنل اور چیمپئینز ٹرافی کے لیے براہ راست کوالیفائی کریں۔
افغانستان کی ٹیم میں ایک تبدیلی کی گئی نوین الحق کی جگہ رحمت شاہ کو ٹیم میں شامل کیا گیا جبکہ نیدرلینڈز نے 2 تبدیلیاں کی ہیں، وکرم جیت سنگھ اور شارز احمد کی جگہ ریلوف وین مروے اور ثاقب ذوالفقار کو ٹیم میں شامل کیا ہے۔
دونوں ٹیموں نے اس ورلڈ کپ میں بڑی ٹیموں کو شکست دی ہے، لیکن افغانستان کا پلڑا اس میں بھاری ہے کیونکہ اس نے انگلینڈ، سری لنکا اور پاکستان کو شکست دی جبکہ نیدر لینڈ نے ساؤتھ افریقہ اور بنگلہ دیش کو شکست سے دوچار کیا۔
افغانستان کے پاس ورلڈ کپ کے اپنے پہلے سیمی فائنل کے لیے کوالیفائی کرنے کا اچھا موقع ہے، کیونکہ افغانستان کے 6 میچوں میں 6 پوائنٹس ہیں۔ اور اپنے سارے میچ جیت کر 12 پوائنٹس حاصل کر سکتا ہے۔ لیکن افغانستان کے آنے والے میچز قدر مشکل ہو سکتے ہیں کیونکہ نیدر لینڈ کے بعد بقیہ میچوں میں آسٹریلیا اور جنوبی افریقہ کا مقابلہ کرنا ہوگا۔
نیدر لینڈ کے لیے ناک آؤٹ سیمی فائنل تک پہنچنے کے لیے امکانات کم ہیں، ان کے پاس 6 میچوں میں 4 پوائنٹس ہیں، اگلے سارے میچز جیتنے کے بعد وہ 10 پوائنٹس حاصل کر سکیں گے۔
پوائنٹس ٹیبل کی صورت حال
افغانستان کی ٹیم 6 پوائنس کے ساتھ پوائنٹس ٹیبل پر چھٹے نمبر پر موجود ہے جبکہ نیدر لینڈز 4 پوائنٹس کے ساتھ آٹھویں نمبر پر ہے۔
چیمپئنز ٹرافی کی لڑائی
افغانستان اور نیدر لینڈز سیمی فائنل کی دوڑ میں تو شامل ہیں ہی لیکن دونوں ٹیمیں چیمپئنز ٹرافی کے لیے اپنی جگہ برقرار رکھنے کی بھی کوشش کریں گی۔
آخری 5 میچوں کا رزلٹ
آخری 5 میچوں کا رزلٹ دیکھا جائے تو افغانستان نے 5 میں سے 3 میچوں میں فتح حاصل کی ہے جبکہ نیدر لینڈ 5 میں سے 2 میچوں میں فتح حاصل کر سکا ہے۔
ہیڈ ٹو ہیڈ
دونوں ٹیمیں ایک دوسرے کے ساتھ 9 میچوں میں آمنے سامنے آئے ہیں، جن میں سے 7 میچوں میں افغانستان نے نیدر لینڈ کو شکست سے دوچار کیا ہے۔
پچ اینڈ کنڈیشن
لکھنو کے ایکانہ کرکٹ اسٹیڈیم میں پچ اسپنرز کے لیے سازگار سمجھی جاتی ہے، ورلڈ کپ کے دوران اس پچ پر ابھی تک سب سے زیادہ اسکور کرنے والی ٹیم ساؤتھ افریقہ ہے۔
افغانستان کی پلیئنگ الیون
رحمن اللہ گرباز، ابراہیم زدران، رحمت شاہ، حشمت اللہ شاہدی (کپتان)، عظمت اللہ عمرزئی، اکرام علی خیل، محمد نبی، راشد خان، مجیب الرحمان، نور احمد، فضل حق فاروقی شامل ہیں۔
نیدر لینڈ کی پلیئنگ الیون
چمیکس او ڈاؤڈ، ویسلے بیریسی، کولن ایکرمین، سائبرینڈ اینجلبریچ، سکاٹ ایڈورڈز (کپتان)، باس ڈی لیڈ، ثاقب ذوالفقار، لوگن وین بیک، روئیلوف وین ڈیر مروے، آریان دت، پال وین میکرین شامل ہیں۔
