افغان شہریوں کا سامان واپس نہ کرنے پر اسلام آباد پولیس کے 4 افسران کو معطل کردیا گیا ہے۔
اسلام آباد پولیس کے مطابق وطن واپس جانے افغان شہریوں کا سامان واپس نہ کرنے کی شکایت پر آئی سی سی پی او ڈاکٹر اکبر ناصر خان نے نوٹس لیتے ہوئے ایس ایس پی آپریشن، ایس ایچ او شالیمار تھانہ، ایڈمن آفیسر اور اے ایس آئی کو معطل کر دیا۔
اس سے قبل کوئٹہ میں بھی افغان شہریوں سے پیسے وصول کرنے پر دو ایس ایچ اوز کو معطل کر دیا گیا تھا۔
نگراں وفاقی وزیر داخلہ سرفراز بگٹی نے کہا ہے کہ غیر قانونی افغان باشندوں کو ہر صورت پاکستان سے جانا ہو گا تاہم ان کے ساتھ بدسلوکی ہر گز برداشت نہیں کی جائے گی۔
واضح رہے کہ وفاتی حکومت کی جانب سے غیر قانونی باشندوں کی ان کے ملکوں کو واپسی کے لیے 31 اکتوبر کی حتمی ڈیڈ لائن دی گئی تھی جو گزر چکی ہے، جس کے بعد ملک بھر میں غیر قانونی طور پر مقیم غیر ملکیوں کیخلاف کارروائیاں جاری ہیں۔
