بھارت میں جاری آئی سی سی مینز کرکٹ ورلڈ کپ 2023 کا 34واں میچ اس وقت لکھنو میں جاری ہے۔ نیدر لینڈز نے پہلے بلے بازی کرتے ہوئے افغانستان کی ٹیم کو 180 رنز کا ٹارگٹ دیا ہے ۔
نیدرلینڈز کی اننگز کے دوران افغان کھلاڑیوں نے میدان میں نماز ظہر ادا کی، جس کی تصاویر سوشل میڈیا پر وائرل ہو گئیں۔
سوشل میڈیا صارفین کی جانب سے افغان کھلاڑیوں کے اس عمل کو جہاں ایک طرف سراہا جا رہا ہے وہیں کچھ لوگ اس معاملے کو لے کر بھارت پر تنقید کرتے بھی نظر آتے ہیں۔ بھارتی شائقین کی جانب سے قومی وکٹ کیپربیٹر محمد رضوان کو میچ کے دوران نماز ادا کرنے پر تنقید کا نشانہ بنایا گیا تھا۔
سید ظفر ہاشمی نے سماجی رابطے کی ویب سائٹ ایکس پر افغان کھلاڑیوں کی تصویر شیئر کرتے ہوئے لکھا کہ ’ نماز کی اہمیت کی ایک اچھی مثال‘۔
افغان کرکٹ ٹیم کے کھلاڑی بھارت میں جاری کرکٹ ورلڈ کپ کے ایک میچ کے دوران گراونڈ میں نماز ظہر ادا کر رہے ہیں ۔۔ نماز کی اہمیت کی ایک اچھی مثال ۔۔۔۔ pic.twitter.com/JJaoPyQOfJ
— syed zafar hashmi 92 (@syedzafarhashm1) November 3, 2023
محمد عثمان خان نے ایکس پر لکھا کہ ’افغان کھلاڑی گراؤنڈ پر نماز ادا کر رہے ہیں، اب وہ بھارتی کہاں ہیں جو محمد رضوان کی نماز پر تنقید کر رہے تھے؟‘
Afghani players offering namaz, now where are indians? Jo Muhammad Rizwan k time par issue create kar rhe th? 👀#CWC23 #WorldCup2023 #INDvsSL #INDvSL #PAKvsNZ #IndiavsSriLanka #AFGvsNED #AFGvNED pic.twitter.com/UctUGWFr2F
— M Usman Khan (@ImMUsmanKhan_) November 3, 2023
بھارتی ایکس صارف ہیمانشو پاریک نے اپنی پوسٹ میں لکھا کہ افغان کھلاڑی میچ کے دوران نماز پڑھ رہے ہیں، اگراس طرز عمل پر ’’مذہب کو کھیل میں لانے‘‘ کی بحث شروع ہوئی تو مجھے حیرت ہوگی۔
Afghanistan players perform on-field prayers during the match against Netherlands.
Wondering if there will be “bringing the religion into sports” kind of debate this time?#AFGvsNED pic.twitter.com/UMJY3Zmiuz
— Himanshu Pareek (@Sports_Himanshu) November 3, 2023
ایک اور ایکس صارف نے اپنی پوسٹ میں نماز کے افغان کھلاڑیوں کے نماز کے طرز عمل کو سراہتے ہوئے اپنی پوسٹ میں لکھا کہ ’اس تصویر کو کیپشن کی ضرورت نہیں
No Caption needed….!!#CWC23 #AFGvsNED pic.twitter.com/XQOZpAhWe5
— Space𝕏Talk★ (@_Space_Talk) November 3, 2023
طارق خان کھٹڑ نے بھی افغان کھلاڑیوں کے اس عمل کو سراہا اور لکھا کہ ’ دنیا کے ساتھ ساتھ دین ماشاءالله‘۔
دنیا کے ساتھ ساتھ دین ماشاءالله ♥♥♥#AFGvsNED #AFGvNED #INDvsSL #NZvsPAK #CWC23 pic.twitter.com/n0XOpg4k53
— Tariq Khan Khattar (@Tariq_2427) November 3, 2023
کرکٹ کے میدان میں میچ کے دوران یہ پہلا موقع نہیں کہ کھلاڑیوں نے نماز ادا کی ہو۔ اس سے پہلے بھی پاکستانی وکٹ کیپر بیٹر محمد رضوان کی دوران میچ نماز پڑھنے کی ویڈیوز سوشل میڈیا پر وائرل رہی ہیں۔