بھارت میں جاری آئی سی سی مینز ون ڈے ورلڈکپ کے 41 ویں میچ میں نیوزی لینڈ نے سری لنکا کو با آسانی05 وکٹوں سے شکست دے کرسپر فور مرحلے میں پہنچنے کے لیے اپنی راہ ہموار کرلی وہیں پاکستان کرکٹ ٹیم کے لیے اب مزید مشکلات پیدا ہوگئی ہیں۔
پاکستانی کرکٹ شائقین اب اس کشمکش میں ہیں کہ کیا پاکستان اب بھی سیمی فائنل میں جاسکتا ہے یا نہیں اور اگر جا سکتا ہے تو کیسے؟
بھارت، جنوبی افریقہ اور آسٹریلیا پہلے سپر فور مرحلے کے لیے کوالیفائی کرچکے ہیں۔ آخری ٹیم کے لیے نیوزی لینڈ، پاکستان اور افغانستان کے درمیان مقابلہ ہے۔
تینوں ٹیموں کو سیمی فائنل میں پہنچنے کے لیے اپنا آخری میچ جیتنا ضروری ہے وہیں رن ریٹ کا خیال بھی رکھنا ہے۔
نیوزی لینڈ اپنا آخری گروپ میچ جیت کر 10 پوائنٹس کے ساتھ پوائنٹس ٹیبل پر چوتھے نمبر پر آگیا ہے۔
نیوزی لینڈ نے آج جیت کے بعد اپنی سیمی فائنل کی راہ ہمورا کرلی جبکہ اب گرین شرٹس کا آخری میچ میں جیت کے باوجود رن ریٹ کی وجہ سے ناک آؤٹ مرحلے میں پہنچنا اب نامکن ہو گیا ہے۔
پاکستانی ٹیم اب سیمی فائنل میں کیسے پہنچ سکتی ہے؟
پاکستان کرکٹ ٹیم کو اگر سیمی فائنل میں پہنچنا ہے تو اسے انگلینڈ کو 287 رنز کے مارجن سے شکست دینا ہوگی۔
اس کے علاوہ اگر پاکستانی ٹیم انگلینڈ کے خلاف پہلے بیٹنگ کر کے 300 رنز بنائےتو انگلینڈ کو صرف 13پر آؤٹ کرنا ہوگا۔
اور اگر انگلینڈ پہلے بیٹنگ کرے تو اس کو 50 رنز پر محدود کر کے 2.5 اوورز میں رنزبنانے ہوں گے۔
