پاکستان مسلم لیگ ن نے آئندہ عام انتخابات میں ٹکٹوں کے خواہشمند امیدواروں سے درخواستوں کی وصولی کی تاریخ میں توسیع کر دی۔
ن لیگ کے ترجمان کے مطابق امیدوار ٹکٹوں کے حصول کے لیے درخواستیں اب 20 نومبر تک جمع کروا سکتے ہیں۔
ترجمان کا کہنا ہے کہ تھا توسیع اسموگ، جزوی لاک ڈاؤن اور بینک تعطیلات کی وجہ سے کیا گیا ہے۔ ترجمان کا مزید کہنا تھا کہ درخواستیں پارٹی سیکریٹریٹ ماڈل ٹاؤن میں جمع کروائی جا سکتی ہیں۔
درخواستوں کے ساتھ بینک ڈرافٹ، آن لائن ٹرانسفر یا بنک ڈیپازٹ کی صورت میں فیس جمع کروائی جا سکتی ہے۔ ترجمان نے واضح کیا کہ درخواستوں کے ساتھ کوئی نقد رقم کی وصولی نہیں کی جا رہی اور کسی قسم کی نقدی دینے اور وصول کرنے والے کے خلاف کارروائی کی جائے گی۔
یاد رہے کہ ن لیگ نے پہلے ٹکٹوں کے لیے درخواستوں کی تاریخ 10 نومبر رکھی تھی۔
