نیپرا میں سنٹرل پاور پرچیزنگ ایجنسی کی جنوری کے لیے بجلی مہنگی کرنے کی درخواست پر سماعت مکمل ہو گئی۔ بجلی جنوری کی ماہانہ فیول پرائس ایڈجسٹمنٹ کی مد میں مہنگی کی گئی ہے۔
نیپرا اعلامیے کے مطابق سنٹرل پاور پرچیزنگ ایجنسی نے بجلی ایک روپے17 پیسے فی یونٹ مہنگی کرنے کی درخواست کی تھی۔ تاہم نیپرا نے بجلی 48 پیسے فی یونٹ مہنگی کرنے کی منظوری دی۔ اضافے کے بعد صارفین پر 9 اعشاریہ 2 ارب روپے کا بوجھ پڑے گا۔
اضافے کا اطلاق ایک ماہ کے لیے ہوگا۔ نیپرا کا کہنا ہے کہ اطلاق ڈسکوز کے تمام صارفین ماسوائے لائف لائن اور الیکٹرک وہیکل چارجنگ اسٹیشنز پر ہوگا۔ اضافے کا اطلاق کے الیکٹرک صارفین پر بھی نہیں ہو گا۔ نیپرا ڈیٹا کا جائزہ لینے کے بعد تفصیلی فیصلہ جاری کریگا۔
