وفاقی وزیر برائے ماحولیاتی تبدیلی سینیٹر شیری رحمان کا عمران خان کی پیشی پر ردعمل دیتے ہوئے ٹویٹ کیا ہے کہ پہلے لاہور اور آج اسلام آباد ہائی کورٹ میں تماشہ لگایا جا رہا ہے۔
انہوں نے مزید لکھا کہ عمران خان کورٹ پر اثر انداز ہونے اور گرفتاری سے بچنے کے لیے جلوس اور مظاہرے کے ساتھ پیش ہو رہے ہیں۔
پہلے لاہور اور آج اسلام آباد ہائی کورٹ میں تماشہ لاگایا جا رہا ہے۔ عمران خان کورٹ پر اثرانداز ہونے اور گرفتاری سے بچنے کیلئے جلوس اور مظاہرے کے ساتھ پیش ہو رہے ہیں۔ تحریک انصاف کی جانب سے جوڈیشل کمپلیکس میں مظاہرہ اور توڑ پھوڑ قابل تشویش اور توہین عدالت کے مترادف ہے۔ 1/2
— SenatorSherryRehman (@sherryrehman) February 28, 2023
تحریک انصاف کی جانب سے جوڈیشل کمپلیکس میں مظاہرہ اور توڑ پھوڑ قابل تشویش اور توہین عدالت کے مترادف ہے۔
شیری رحمان کا کہنا تھا عدالت اس منظم مظاہرے اور حملے کا نوٹس لے۔ عدالت کو ہر بار ایک ثابت شدہ چور کی پیشی کے لیے انتظار نہیں کرنا چاہئے۔
وفاقی وزیر برائے ماحولیاتی تبدیلی کا کہنا تھا کہ واضع طور پر عمران خان کو خصوصی مراعات دی جا رہی ہیں۔عدالت ’عام مجرم‘ اور ’خاص مجرم‘ کا تاثر پیدا کر رہی ہے جس کی وجہ سے پورے نظام عدل پر سوالات اٹھ رہے ہیں۔
