وزیراعلیٰ پنجاب محسن نقوی کے نام کا غلط استعمال کرنے اور کارِ سرکار میں مداخلت کرنے والے ملزم یاسین سمیت 2 افراد کو لاہور پولیس نے گرفتار کر لیا ہے اور تھانہ گلبرگ میں مقدمہ درج کر لیا گیا ہے۔
پولیس نے ملزمان کو قانون کی گرفت میں لے کر مزید کارروائی شروع کردی ہے۔
خود کو وزیراعلیٰ پنجاب کے رشتہ دار ظاہر کرکے کارسرکار میں مداخلت کرنے والے دونوں ملزمان گرفتار، مقدمہ درج
ملزمان نے چند روز قبل ٹریفک وارڈنز کو انگین نتائج کی ھمکیاں دی تھیں، واقعہ پر سی ٹی او لاہور مستنصر فیروز نے نوٹس لیا تھا، pic.twitter.com/vrFln8h2Kh— Lahore Traffic Police (@ctplahore) November 27, 2023
واضح رہے کہ ملزم یاسین نے وزیر اعلیٰ پنجاب کا نام استعمال کر کے پولیس پر دباؤ ڈالا اور ڈرائیونگ کرنے والی کم عمر بچی کو وزیراعلیٰ کا رشتہ دار ظاہر کر کے اسے چھوڑنے کے لیے پولیس کو دھمکیاں دیں۔
ملزم یاسین نے وزیراعلیٰ کا نام استعمال کرکے کم عمر بچی کو چھوڑنے کے حوالے سے پولیس کو دھمکیاں دینے کی وڈیو وائرل ہوئی جس پر محسن نقوی نے فوری نوٹس لے کر پولیس کو غلط بیانی اورکارِ سرکار میں مداخلت پر کارروائی کا حکم دیا۔
اس ضمن میں پولیس نے کھوج لگا کر ملزم سمیت 2 افراد کو گرفتار کر لیا اور مزید کارروائی شروع کردی ہے۔
