اب بلڈ ٹیسٹ کے ذریعے اندرونی اعضا کی صحت اور مدت میعاد جاننا ممکن

برطانوی سائنسدانوں کا کہنا ہے کہ وہ خون کا ایسا تجزیہ بھی کرسکتے ہیں جس سے یہ معلوم کیا جا سکے کہ کسی شخص کے اندرونی اعضا کتنی تیزی سے بوڑھے ہو رہے ہیں بلکہ یہ پیشگوئی بھی کر سکتے ہیں کہ کون سا عضو جلد ناکارہ ہوجائے گا۔

بی بی سی کی ایک رپورٹ کے مطابق اسٹینفورڈ یونیورسٹی کی ٹیم کا کہنا ہے کہ وہ دل، دماغ اور پھیپھڑوں سمیت جسم کے 11 بڑے حصوں کو مانیٹر کر سکتے ہیں۔

ٹیم کا کہنا ہے کہ اس نے اسے ہزاروں بالغوں پر آزمایا اور زیادہ تر درمیانی یا اس سے زیادہ عمر کے تھے۔ نتائج بتاتے ہیں کہ 50 سال سے زیادہ عمر کے 5 میں سے ایک معقول حد تک صحت مند شخص میں کم از کم ایک عضو ایسا ہوسکتا ہے جو تیزی سے تیز بوڑھا ہو رہا ہو۔

ہر 100 میں سے ایک سے 2 لوگوں کے کئی اعضا ہوسکتے ہیں جو ان کی عمر سے زیادہ پرانے ہوچکے ہوں۔

محققین کا کہنا ہے کہ اگرچہ اس طرح کے چیک اپ کا خیال ڈراؤنا ہوسکتا ہے لیکن یہ اعضا کو قدرے بہتر بنانے میں معاون ثابت ہوسکتا ہے۔

ٹیم کا کہنا ہے کہ یہ جاننا کہ کون سے اعضا تیزی سے زوال کا شکار ہیں اس بات کو ظاہر کرنے میں مدد دے سکتا ہے کہ متعلقہ شخص کو صحت کے کیا مسائل پیدا ہو سکتے ہیں۔