کرسمس کا تہوار ہر سال 25 دسمبر کو دنیا بھر میں جوش و خروش سے منایا جاتا ہے۔ خوشیوں کے اس موقع کو مختلف طریقوں سے یادگار بنایا جاتا ہے۔
کرسمس کے موقع پر رہائشی املاک پر سب سے زیادہ لائٹیں سجانے کا گنیز ورلڈ ریکارڈ رکھنے والے نیویارک کے ایک خاندان کا کہنا ہے کہ ہمیشہ کی طرح انہوں نے اس سال بھی سب سے زیادہ لائٹنگ کی ہے مگر پڑوسی اس عمل سے خوش نہیں ہیں۔
اس خاندان نے 2012 میں کرسمس کے موقع پر 3 لاکھ 46 ہزار 283 کرسمس لائٹیں سجا کر ورلڈ ریکارڈ قائم کیا تھا۔
کرسمس کے موقع پر اپنے روایتی انداز سے خوشیاں منانے والے اس خاندان نے اب 7 لاکھ 20 ہزار 426 لائٹیں سجائی ہیں۔
پڑوسیوں کو شکایت ہے کہ کرسمس کے موقع پر جب یہاں لوگ جمع ہوتے ہیں تو ہجوم یہاں پر شراب کی بوتلیں اور دیگر اشیا پھینک کر گندگی پھیلا دیتا ہے۔
تاہم اپنے روایتی طریقے سے خوشی منانے والوں کا کہنا ہے کہ آپ اگر 50 ہزار لوگوں کے لیے خوشی کا باعث بن رہے ہیں تو اس سے فرق نہیں پڑتا کہ 10 یا 20 فیصد لوگ آپ کو پسند کیوں نہیں کرتے۔
