نگراں وزیر خزانہ و اقتصادی امور ڈاکٹر شمشاد اختر امپورٹ، ایکسپورٹ بینک لانچ کرنے کا اعلان کردیا ہے۔
اسلام آباد میں منعقدہ تقریب میں نگراں وزیر خزانہ و اقتصاری امور ڈاکٹر شمشاد اختر نے کہا کہ ملک میں ایکسپورٹ، امپورٹ بینک لانچ کر رہے ہیں، یہ بینک درآمدات و برآمدات کی نگرانی کرے گا، بینک کے قیام سے درآمدات اور اور برآمدات کرنے والوں کو سہولت میسر آئے گی۔
وزیر خزانہ نے کہا کہ پاکستان میں ایگزم بینک کے آپریشنز کا آغاز خوش آئند ہے، ایگزم بینک سے برآمد کنندگان کو اقتصادی تحفظ حاصل ہوگا اور بینک پاکستان کے مالیاتی ڈھانچے میں اہم کردار ادا کرے گا، بینک ایکسپورٹ کے فروغ اور پاکستانی ایکسپورٹرز کے لیے سہولت کاری میں معاون ہوگا، اس سے نجی بینکوں کو بھی فائدہ ہوگا۔
ڈاکٹر شمشاد اختر نے کہا کہ بینک سے پاکستانی ایکسپورٹرز کو کریڈٹ انشورنس اور گارنٹی کی خدمات بھی میسر ہوں گی، ایگزم بینک ایکسپورٹرز کو تجارت، مالیات اور انشورنس کوریج فراہم کرے گا، بینک ایکسپورٹرز کی عدم ادائیگی کے خطرے سے بچانے میں معاون ہوگا،ایگزم بینک کی کامیابی ویتنام میں دیکھی جاسکتی ہے۔
انہوں نے کہا کہ ایگزم بینگ سے سرمایہ کار آسان شرائط پر قرضہ لے سکیں گے، جس سے سرمایہ کاروں کو اعتماد ملے گا، ایگزم ایک ہی جگہ سرمایہ کاروں کو تمام خدمات فراہم کرے گا۔
