ایران کے جنوبی شہر کرمان میں ایرانی پاسداران انقلاب کے جنرل قاسم سلیمانی کی امریکا کے ہاتھوں شہادت کی چوتھی برسی کے موقع پر ان کے مقبرے کے قریب 2 بم دھماکوں میں 100 سے زیادہ افراد شہید اور بیسیوں زخمی ہوگئے۔
ایرانی میڈیا کا کہنا ہے کہ قاسم سلیمانی کی برسی کےموقع پر مقبرے میں ہزاروں لوگ موجود تھے، دھماکوں میں 100 سے زیادہ افراد جاں بحق اور بیسیوں زخمی ہوگئے ہیں، متعدد زخمیوں کی حالت تشویشناک ہے اور اموات میں اضافے کا خدشہ ہے۔
ایرانی میڈیا کے مطابق سکیورٹی حکام صورتحال کا جائزہ لےکر تحقیقات کر رہے ہیں۔ ایران میں جمعرات کویوم سوگ منانے کا اعلان کر دیا گیا ہے۔
Terror attack in Kerman, #Iran;
Two explosions have occurred on the road leading to #Kerman Martyrs Cemetery; According to reports, 73 people have been martyred and more than 170 injured. pic.twitter.com/0sZwfsPfOL— Nournews English (@nournewsen) January 3, 2024
معاون گورنر کرمان نے واقعے کو دہشت گردی کی کارروائی قرار دیتے ہوئے بتایا کہ دھماکے دستی بم پھٹنے کے باعث ہوئے۔ دھماکوں کے بعد شہر بھر میں سکیورٹی ہائی الرٹ کردی گئی ہے۔
مزید پڑھیں
سنہ 2020 میں ایران کے پڑوسی ملک عراق میں امریکی ڈرون حملے میں شہید ہونے والے جنرل سلیمانی کی یاد میں منعقدہ تقریب کے ایک حصے کے طور پر بدھ کے روز لوگوں کی ایک بہت بڑی تعداد قبر پر جمع تھی۔
#BREAKING At least 20 Iranian people have been killed and several others injured after two explosions hit areas close to the cemetery where former IRGC-QF Chief Qassem Soleimani is buried, Iran’s state TV reported.
A provincial security official says it’s not yet clear if it was… https://t.co/HNRX88YZ6C pic.twitter.com/A6MiSTvMAn— Iran International English (@IranIntl_En) January 3, 2024
قاسم سلیمانی کو ایران میں سپریم لیڈر آیت اللہ علی خامنہ ای کے بعد سب سے طاقتور شخصیت کے طور پر دیکھا جاتا تھا۔ پاسداران انقلاب کے بیرون ملک آپریشنز بازو قدس فورس کے کمانڈر کی حیثیت سے وہ پورے خطے میں ایرانی پالیسی کے معمار تھے۔
اس وقت کے امریکی صدر ڈونلڈ ٹرمپ نے سنہ 2020 میں قاسم سلیمانی کو دہشت گرد قرار دیتے ہوئے ان کے قتل کا حکم دیا تھا۔
دہشتگردی کی کارروائی کرنے والوں کو سخت سزا دی جائے گی، ایرانی صدر
دریں اثنا ایرانی صدر ابراہیم رئیسی نے اپنے ردعمل میں کہا ہے کہ دہشتگردی کی کارروائی کرنے والوں کی نشاندہی کر کے انہیں سخت سزا دی جائے گی۔
انہوں نے کہاکہ ایران کے دشمنوں کے ایسی کارروائیاں قوم کے عزم میں مزید اضافہ کریں گی۔
دہشتگرد حملہ کرنے والوں کے خلاف کارروائی ہوگی، آیت اللہ خامنہ ای
ایران کے سپریم لیڈر آیت اللہ خامنہ ای نے دہشتگرد حملے پر اپنے ایک بیان میں کہا ہے کہ دہشتگرد حملہ کرنے والوں کے خلاف سخت کارروائی کی جائے گی۔
انہوں نے کہاکہ ایران کے دشمنوں نے ایک بار پھر دہشتگردی کی کارروائی کی ہے جس میں بڑی تعداد میں لوگ شہید ہوئے ہیں۔
ایرانی سپریم لیڈر نے کہاکہ دہشتگرد حملہ کرنے والوں کو کسی صورت معاف نہیں کیا جائے گا۔
