اسرائیل نے شام کے دارالحکومت دمشق میں حملہ کیا ہے جس کے نتیجے میں ایرانی پاسداران انقلاب کے کمانڈر بریگیڈیئر جنرل سید رضا موسوی جاں بحق ہو گئے۔
غیرملکی میڈیا رپورٹس کے مطابق اسرائیلی طیاروں نے دمشق میں فضائی حملہ کیا جس کے نتیجے میں ایرانی کمانڈر کی ہلاکت ہوئی۔ اس حملے میں مزید اموات کی کوئی اطلاع سامنے نہیں آئی۔
مزید پڑھیں
اِدھر ایرانی پاسداران انقلاب نے بھی کمانڈر بریگیڈیئر جنرل سید رضا موسوی کے جاں بحق ہونے کی تصدیق کر دی ہے۔
ایرانی پاسداران انقلاب کا کہنا ہے کہ کمانڈر رضا موسوی شام میں مزاحمتی یونٹ کے انچارج تھے اور اسرائیلی حملے میں چل بسے ہیں۔
پاسداران انقلاب نے دھمکی دی ہے کہ اب اسرائیل کو اس قتل کی قیمت چکانا پڑے گی۔
واضح رہے کہ اس سے قبل 3 جنوری 2020 کو امریکا نے عراق کے دارالحکومت بغداد میں حملہ کیا تھا جس کے نتیجے میں ایرانی قدس فورس کے کمانڈر جنرل سلیمانی ساتھیوں سمیت جاں بحق ہوگئے تھے۔
