پاکستان کرکٹ ٹیم کے سابق کپتان شعیب ملک کی تیسری شادی پر ان کی سابقہ اہلیہ ثانیہ مرزا نے نیک خواہشات کا اظہار ایک انسٹاگرام پوسٹ میں کیا۔ بھارتی ٹینس اسٹار ثانیہ مرزا کی بہن انعم مرزا نے ان کا پیغام انسٹاگرام پر شیئر کیا۔
انعم مرزا نے طلاق کی تصدیق کرتے ہوئے لکھا کہ ثانیہ نے ہمیشہ اپنی نجی زندگی کو عوام کی نظروں سے دور رکھا ہے لیکن آج ضرورت پیش آگئی ہے کہ وہ یہ بات آپ کو سب کو بتا دے کہ ثانیہ اور شعیب کی طلاق کو کچھ ماہ گزر گئے ہیں۔
انہوں نے مزید لکھا کہ ثانیہ نے شعیب کی زندگی کے نئے سفر کے لیے نیک خواہشات کا اظہار کیا ہے۔
پیغام میں مزید لکھا گیا کہ ثانیہ کی زندگی کے اس مشکل مرحلے میں آپ سب سے درخواست ہے کہ کسی بھی جھوٹی خبر پر یقین نہ کریں اور ثانیہ کی پرائیوسی کا خیال رکھیں۔
View this post on Instagram
واضح رہے کہ ثانیہ مرزا سے قبل شعیب ملک نے عائشہ صدیقی سے شادی کی تھی تو2010 تک چلی، شعیب ملک نے سال 2010 میں بھارتی ٹینس اسٹار ثانیہ مرزا سے دوسری شادی کی تھی،جبکہ دسمبر 2022 سے شعیب ملک اور ثانیہ مرزا کی طلاق کی خبریں سوشل میڈیا پر زیرِ گردش تھیں جس کی اب تصدیق بھی ہوگئی ہے۔ گزشتہ روز شعیب ملک نے اداکارہ ثنا جاوید سے تیسری شادی کرلی۔
ٹی وی ڈراموں اور فلموں میں اپنے کرداروں کے لیے جانی جانے والی ثنا جاوید نے اپنے کیرئیر کا آغاز بطور ماڈل کیا اور 2012 میں اداکاری کا آغاز کیا، انہیں ‘خانی’ اور ‘رسوائی’ جیسے ٹی وی ڈراموں میں اپنی اداکاری سے پہچان ملی۔