خبر بے بنیاد، نہ پارٹی چھوڑی نہ سیاست سے الگ ہو رہا ہوں، پرویز خٹک

پاکستان تحریک انصاف پارلیمنٹیرین کے چئیرمین پرویز خان خٹک نے کہا ہے کہ نہ پارٹی چھوڑی ہے نہ سیاست سے علیحدہ ہو  رہا ہوں، میرے پارٹی چھوڑنے اور سیاست علیحدہ ہونے کی خبریں بے بنیاد اور جھوٹی ہیں۔

نہ سیاست چھوڑی ہے نہ پارٹی، فی الحال آرام کر رہا ہوں، پرویز خٹک pic.twitter.com/lMZTJ26HMA

— Ahmad Warraich (@ahmadwaraichh) February 12, 2024

پاکستان تحریک انصاف پارلیمنٹیرین اور سابق وزیر اعلیٰ خیبر پختونخوا نے ایک انٹرویو میں کہا ہے کہ ان خبروں میں کوئی صداقت نہیں ہے کہ میں پارٹی یا سیاست کو ہمیشہ کے لیے خیر آباد کہہ رہا ہوں۔

انہوں نے کہا کہ میں نے محض اتنا کہا تھا کہ میں فی الحال آرام کر رہا ہوں میری اس بات کو پارٹی استعفے اور سیاست چھوڑنے سے تعبیر کیا گیا۔

سیاست میں کوئی بریک نہیں لے رہا ہوں، سیاست بھی نہیں چھوڑو گا، سیاست بھی جاری رہے گی اور پارٹی بھی نہیں چھوڑوں گا۔

پرویزخان خٹک کے ترجمان ضیا اللہ خان بنگش نے بھی پرویز خٹک کے سیاست چھوڑنے کی خبروں کی تردید کی ہے۔ انہوں نے کہا کہ میری پرویزخان خٹک سے بات ہوئی ہے انہوں نے ان خبروں کی تردید کی ہے اور خبر کو جعلی قرار دیا ہے۔