انسان جیسی سننے اور بولنے والی اے آئی تیار، ماہرین تگڑی فنڈنگ کے ساتھ میدان میں

زیادہ تر اے آئی وائس بوٹس سے ایک منٹ سے زیادہ بات کریں تو آپ کو تاخیر، بے جان ردعمل اور یہ احساس ہوگا کہ کوئی سن ہی نہیں رہا۔ سیئٹل اسٹارٹ اپ نیوآنس سمجھتا ہے کہ اس نے اس کا حل تلاش کر لیا ہے اور سرمایہ کاروں نے اس دعوے پر 50 ملین ڈالر کی سرمایہ کاری کر دی ہے۔

یہ بھی پڑھیں: ریٹائرڈ افراد کا رجحان اے آئی چیٹ بوٹس کی جانب کیوں بڑھ رہا ہے؟

کمپنی کے شریک بانی اور سی ای او فینگ چانگ ما نے اپنے 2 شریک بانیوں کے ساتھ ایپل میں تحقیقی کیریئر گزارا اس سے پہلے کہ انہوں نے فیصلہ کیا کہ موجودہ اے آئی اوتار میں صرف پالش کا نہیں بلکہ ساختی مسئلہ ہے۔

ما نے بزنس انسائیڈر کو بتایا کہ زیادہ تر وائس بوٹس الگ الگ وائس ٹو ٹیکسٹ، لینگویج ماڈل، اور ٹیکسٹ ٹو وائس سسٹمز کو جوڑ کر بنائے جاتے ہیں۔ یہی جوڑ توڑ والا طریقہ تاخیر اور اس خالی گھورنے کا سبب بنتا ہے جب اے آئی کو سننا چاہیے۔

مزید پڑھیے: فیکٹریوں اور کارخانوں کے لیے جدید بصری اے آئی ماڈل متعارف، یہ دیگر روبوٹس سے کیسے مختلف ہوں گے؟

نیوآنس کا حل ایک آل ان ون سسٹم ہے جو آڈیو اور ویڈیو ان پٹ لیتا ہے اور ایک ماڈل سے دوسرے ماڈل میں ہینڈ اوور کے بغیر آڈیو اور ویڈیو واپس دیتا ہے۔ ما نے اسے زیادہ مشکل تکنیکی حل قرار دیا لیکن ایک ایسا حل جسے اپنانے کے سوا ان کی ٹیم کے پاس کوئی چارہ نہیں تھا تاکہ انسانوں اور اے آئی کے رویے کے درمیان فرق کو ختم کیا جا سکے۔

ماڈل کو اس طرح سے ٹرین کرنے کا مطلب ہے کہ ویب سے ٹیکسٹ لینے کے عام رواج کی کوئی گنجائش نہیں ہے۔ نیوآنس میں ٹریننگ سیٹ ان کی اپنی ریکارڈ شدہ گفتگوؤں یا ان کے شراکت داروں کی گفتگوؤں سے آتا ہے جہاں 2 لوگوں کو ویڈیو پر کیپچر کیا جاتا ہے اور ان کی قدرتی آڈیو ہوتی ہے جس میں کسی قسم کی مصنوعی پن نہیں ہوتی۔

ما کے مطابق ٹریننگ کے لیے بہترین نمونہ صرف دو لوگوں کا قدرتی طور پر بات کرنا ہے۔

کمپنی ابھی پری پروڈکٹ مرحلے میں ہے حالانکہ ما نے اپنے اے آئی سسٹم کے لیے ممکنہ استعمالات کی ایک رینج کی نشاندہی کی ہے جس میں افراد کو انٹرویو کی تیاری، پریزنٹیشن کی مہارت، اور زبان سیکھنے میں مدد، نیز کاروبار کے لیے انٹرویو، سیلنگ اور کسٹمر سروس اے آئی شامل ہیں۔ اس سال کے آخر سے پہلے ایک پبلک ریسرچ ڈیمو کا منصوبہ ہے۔

50 ملین ڈالر کی سیریز اے فنڈنگ جو لائٹ اسپیڈ وینچر پارٹنرز کی جانب سے آئی ہے جس میں ایکسل، این ویڈیا کے این وینچرز، ساؤتھ پارک کامنز، اور ڈیفائن وینچرز نے بھی حصہ لیا ہے یہ جولائی میں جمع کیے گئے 10 ملین ڈالر کے سیڈ فنڈ کے بعد آئی ہے۔

مزید پڑھیں: اے آئی کا پیٹ بھرنے کے لیے کتابیں جلا کر تلف کی جانے لگیں؟ علمی ذخائر کو ٹیکنالوجی سے نیا خطرہ

فی الحال 8 رکنی ٹیم اس فنڈ کو محققین کو بھرتی کرنے کے لیے استعمال کرے گی اور پروڈکٹ فروخت کے لیے تیار ہونے کے بعد گو ٹو مارکیٹ منصوبوں اور قیمتوں پر کام کرے گی۔