کراچی سے اسلام آباد ٹورنامنٹ کھیلنے آنے والی خاتون ٹینس کھلاڑی زینب علی نقوی اچانک انتقال کر گئیں۔ ان کی عمر 17 برس تھی۔
ٹینس فیڈریشن کے مطابق زینب 12 فروری پیر کی رات آئی ٹی ایف ٹورنامنٹ کا میچ کھیل کر نہانے گئیں اور پھر زندہ باہر نہیں آئیں۔ دروازہ توڑ کر دیکھا گیا تو ان کا انتقال ہوچکا تھا۔
زینب علی نقوی کراچی ریجن کی ٹاپ پلیئر تھیں اور وہ کراچی اور سندھ کی سطح پر ایونٹس جیت چکی تھیں۔
مزید پڑھیں
اسلام آباد کیپیٹل پولیس کے مطابق زینب علی کی نعش پوسٹ مارٹم کے بعد ورثاء کے حوالے کردی گئی ہے۔
پولیس کا کہنا ہے کہ ابتدائی تحقیقات کے مطابق متوفیہ اپنی نانی کے ہمراہ میچز کھیلنے کے لیے کراچی سے اسلام آباد آئی تھیں۔
ابتدائی طبی رپورٹ کے مطابق متوفیہ کے دل کے دورے کا امکان ظاہر کیا گیا ہے۔ متوفیہ کے والدین کوئی قانونی کارروائی نہیں چاہتے۔
