یوٹیلیٹی سٹورز کارپوریشن نے رمضان المبارک سے پہلے صارفین کے لیے مختلف اشیا کی قیمتوں میں کمی کا اعلان کیا ہے۔
مزید پڑھیں
ترجمان یوٹیلٹی اسٹورز کی جانب سے جاری بیان کے مطابق، صارفین کی سہولت کے لیے مختلف برانڈڈ گھی، کوکنگ آئل، چائے اوردیگر روزمرہ اشیا سرف، صابن وغیرہ کی قیمتوں میں کمی کی گئی ہے۔
ترجمان کا کہنا ہے کہ گھی اور کوکنگ آئل کی قیمتوں میں 4 روپے سے 100 روپے فی کلو/ لیٹر کی کمی جبکہ برانڈڈ چائے کے فی 800 گرام پیک کی قیمتوں میں بھی 100 روپے کمی کر دی گئی ہے۔
ترجمان کا مزید کہنا تھا کہ اب صارفین کو ڈالڈا کوکنگ آئل 523 سے 508 روپے میں دستیاب ہوگا، دیگر برانڈڈ گھی اور کوکنگ آئل بھی مارکیٹ سے بہت سستے فروخت کیے جا رہے ہیں۔
انہوں نے کہا کہ گھی، کوکنگ آئل اور چائے کے علاوہ دیگر روزمرہ استعمال کی اشیا کی قیمتیں بھی عام مارکیٹ کی نسبت بہت کم ہیں۔
واضح رہے کہ یوٹیلیٹی اسٹورز کارپوریشن اگلے مہینے سے رمضان ریلیف پیکج کا بھی آغاز کر رہا ہے جس میں قیمتوں میں مزید کمی کی جائے گی۔
