28 سالہ پنجابی ریپر سدھو موسے والا کو 29 مئی 2022 کو مانسا میں گولی مار کر ہلاک کر دیا گیا تھا۔ ایک بیٹے کی وفات کے بعد والدین بلکور سنگھ اور چرن کور نے ایک اور بیٹے کو جنم دیا، جس کی تصویر انہوں نے سوشل میڈیا پر شیئرکردی۔
View this post on Instagram
آنجہانی گلوکار شبھ دیپ سنگھ المعروف سدھو موسے والا کے والد بلکور سنگھ نے بیٹے کی پیدائش پر خوشی کا اظہار کرتے ہوئے کیا اور نومولود بچے کو ہاتھوں میں اٹھائے انسٹاگرام پرتصویر شیئر کردی، تصویر کے پس منظر میں سدھو موسے والا کا فوٹو فریم اورمیز پر کیک بھی رکھا ہوا دکھائی دے رہا ہے۔
مزید پڑھیں
بلکور سنگھ نے پنجابی میں پوسٹ شیئر کی اور لکھا کہ سدھو موسے والا سے پیار کرنے والے لاکھوں لوگوں کی دعاؤں کی برکتوں سے اللہ نے شبھ کے چھوٹے بھائی کو ہماری گود میں ڈال دیا ہے۔ اللہ کا شکر ہے کہ بیٹا صحت مند ہے۔
انہوں نے اپنے اور سدھو کے چاہنے والوں کا شکریہ ادا کیا۔ اس سے قبل انہوں نے اپنے خاندان کے ارد گرد چلنے والی افواہوں کے بارے میں بات کرتے ہوئے لکھا تھا کہ ہم سدھو کے مداحوں کے شکر گزار ہیں جو ہمارے خاندان کے بارے میں فکر مند ہیں۔ جو بھی خبر ہوگی گھر والے آپ سب کے ساتھ شیئر کریں گے۔ تاہم سدھو موسے والا کے مداحوں کی جانب سے اُن کے والد اور والدہ کو بیٹے کی پیدائش پر مبارکباد دینے کا سلسلہ جاری ہے۔
واضح رہے کہ گزشتہ ماہ بھارتی میڈیا کی جانب سے یہ خبر سامنے آئی تھی کہ گلوکار سدھو موسے والا کی 58 سالہ والدہ چرن کور کے ہاں مارچ 2024 میں ننھے مہمان کی آمد متوقع ہے، جس کی تصدیق سدھو موسے والا کے چچا نے کردی تھی۔
یاد رہے 28 سالہ سدھو موسی والا کو 29 مئی 2022 کو مانسا میں گولی مار کر ہلاک کر دیا گیا تھا۔ مانسا سول اسپتال پہنچنے پر انہیں مردہ قرار دے دیا گیا تھا۔ رپورٹ کے مطابق حملہ آوروں نے 30 راؤنڈ سے زیادہ گولیاں چلائیں، جنہیں مقامی لوگوں نے ڈرائیور کی سیٹ پر گرا ہوا پایا۔
یہ واقعہ پنجاب کے وزیر اعلیٰ بھگونت مان کی حکومت کی طرف سے ریاست میں وی آئی پی کلچر ختم کرنے کے بعد سدھو سے سیکیورٹی واپس لینے کے اگلے ہی دن پیش آیا۔ سدھو نے گزشتہ اسمبلی انتخابات میں مانسا سے کانگریس کے ٹکٹ پر الیکشن بھی لڑا تھا لیکن وجے سنگلا سے ہار گئے تھے۔
