پاکستان میں سوشل ٹائم لائنز پر ایک ویڈیو زیرگردش ہے جس کے متعلق دعوی کیا جا رہا ہے کہ اس میں پنجاب پولیس کے سربراہ ڈاکٹرعثمان انور جوانوں کو ترغیب دے رہے ہیں کہ وہ پی ٹی آئی ورکرز کو جان سے مار ڈالیں۔
سابق وزیراعلی پنجاب کی ٹاسک فورس کی کنوینیئر اور دارالامان پنجاب کی چیئرپرسن عائشہ علی بھٹہ نے ویڈیو شیئر کی۔ اس کے ساتھ دیے گئے کیپشن میں انہوں نے پوچھا کہ آئی جی پنجاب! آپ ہوتے کون ہیں سیاسی ورکروں کو قتل کی دھمکیاں دینے والے؟‘
مختلف اکاؤنٹس سے شیئر ہونے والی ویڈیو ٹیلی ویژن میزبان اور معروف یوٹیوبر عمران ریاض خان نے بھی ٹویٹ کی۔
انہوں نے ویڈیو کو ٹویٹ کرتے ہوئے کیپشن میں لکھا کہ ’دشمن قرار دے کر مارنے کی ترغیب دیتے ہوئے IG پنجاب‘۔
اس ویڈیو کو تقریبا 16 ہزار اکاؤنٹس سے ری ٹویٹ کیا گیا، لائک کرنے والے کی تعداد 28 ہزار سے زائد رہی جب کہ اسے تقریبا سات لاکھ افراد نے دیکھا۔
دشمن قرار دے کر مارنے کی ترغیب دیتے ہوئے IG پنجاب https://t.co/eIuN9niVn9
— Imran Khan (@ImranRiazKhan) March 16, 2023
اس مرحلہ پر خود کو پاکستان تحریک انصاف سے متعلق بتانے والے مختلف اکاؤنٹس نے جہاں زمان پارک لاہور میں پولیس اور پارٹی ورکرز کے درمیان تصادم کی تصاویر اور ویڈیوز شیئر کیں، وہیں پنجاب پولیس اور ان کی قیادت کو کارکنوں پر تشدد کا ذمہ دار قرار دیا۔
پی ٹی آئی کے حامی ٹویپس نے موقف اپنایا کہ آئی جی پنجاب پولیس کی یہ ویڈیو ’ثبوت‘ ہے کہ کیسے منظم طریقے سے ورکرز پر تشدد کیا گیا۔
پی ٹی آئی کے رہنما اظہر مشوانی نے ویڈیو کو ٹویٹ کرتے ہوئے لکھا کہ ’۔‘
عمران ریاض خان اور دیگر اکاؤنٹس سے شیئر کی گئی ویڈیو پہلی مرتبہ پنجاب پولیس کی جانب سے 16 فروری کو شیئر کی گئی تھی، جب کہ زمان پارک میں پولیس اور سیاسی کارکنوں کے درمیان تصادم کا واقعہ اس معاملے کے 26 روز بعد پیش آیا۔
پنجاب پولیس کے مطابق انسپکٹر جنرل پولیس کی جو ویڈیو شیئر کی گئی ہے وہ ادھوری ہے۔
پولیس نے موقف اپنایا کہ مکمل ویڈیو میں آئی جی پنجاب کا پیغام بالکل واضح ہے۔ وہ ’میانوالی میں دہشت گرد تنظیم کے حملہ کو پسپا کرنے والے بہادر اہلکاروں کی حوصلہ افزائی کرتے ہوئے دہشت گردوں کو کیفر کردار تک پہنچانے کی بات کر رہے ہیں۔‘
پنجاب پولیس کے آفیشل ہینڈل سے عمران ریاض خان کو مخاطب کرتے ہوئے لکھا گیا کہ ’آپ اس ویڈیو کے مخصوص حصہ کو غلط رنگ دے کر انتشار پھیلانے کی کوشش کر رہے ہیں۔‘ جو انتہائی نامناسب اور صحافتی بددیانتی ہے۔‘
یہ موقف پیش کرنے کے بعد پنجاب پولیس نے گزشتہ ماہ شیئر کی گئی ویڈیو کا لنک بھی شیئر کیا ہے۔
اگر دہشت گردوں نے حملہ کیا تو ۔۔۔۔۔۔
آئی جی پنجاب ڈاکٹر عثمان انور نے بارڈر چیک پوسٹس پر ڈیوٹی دینے والے پولیس اہلکاروں سے کیا کہا، جانیں اس ویڈیو میں#PunjabPolice #IGPunjab pic.twitter.com/0FCTrlPK06— Punjab Police Official (@OfficialDPRPP) February 16, 2023
عمران ریاض اور دیگر پی ٹی آئی ورکرز کی شیئر کردہ ویڈیو کے طوالت میں بھی فرق ہے۔ اول الذکر کی ویڈیو ایڈیٹد اور تقریبا نصف منٹ دورانیے کی ہے جب کہ اصل ویڈیو کی طوالت ایک منٹ سے زائد ہے۔
سابق وزیراعلی پنجاب کے معاون خصوصی اور پی ٹی آئی رہنما اظہر مشوانی بھی ان افراد میں شامل رہے جنہوں نے ویڈیو کو ٹویٹ کرتے ہوئے آئی جی پنجاب کو موردالزام ٹھہرایا۔
بہت اچھی بات ہے کہ اظہر مشوانی نے آئی جی پنجاب کے حوالے سے گمراہ کن ٹویٹ ہٹا دیا۔ آئی جی صاحب کی میانوالی حملے کے بعد بارڈر چیک پوسٹ افسران سے ملاقات کی وڈیو کو حالیہ وڈیو بنا کر گمراہی پھیلانا افسوسناک ہیں۔ امید ہے جنہوں نے اب تک گمراہ کن نہیں ہٹائے ان پہ FIA ایکشن لے گی
— Shafaat Ali (@iamshafaatali) March 16, 2023
تاہم معاملہ کی صورتحال واضح ہونے پر انہوں نے اپنی ٹویٹ ڈیلیٹ کر دی۔
