وزیراعظم محمد شہباز شریف نے 5 وفاقی وزرا کو مختلف وزارتوں کے اضافی قلمدان سونپ دیے جبکہ 3 نئے کوآرڈینیٹرز تعینات کردیے ہیں۔
کابینہ ڈویژن سے جاری نوٹیفکیشن کے مطابق وزیراعظم شہباز شریف نے اپنے خصوصی اختیارات استعمال کرتے ہوئے وفاقی وزیر اوورسیز پاکستانیز چوہدری سالک حسین کو وزارت مذہبی امور کا اضافی قلمدان سونپ دیا۔ جبکہ وفاقی وزیر نجکاری عبدالعلیم خان کو وزارت مواصلات کی اضافی ذمہ داریاں سونپ دیں۔
مزید پڑھیں
وفاقی وزیر صنعت و پیدوار رانا تنویر حسین کو وزارت غذائی تحفظ و تحقیق، وفاقی وزیر منصوبہ بندی، ترقی و اصلاحات احسن اقبال کو وزارت بین الصوبائی رابطہ کا اضافی قلمدان دے دیا گیا۔
اس کے علاوہ وفاقی وزیر پیٹرولیم مصدق ملک کو وزارت آبی وسائل کا اضافی چارج مل گیا۔
کابینہ ڈویژن کے نوٹیفکیشن کے مطابق وزیر اعظم شہباز شریف نے 3 نئے کوآرڈینیٹرز مقرر کردیے ہیں۔ جن میں رانا احسان افضل، رومینہ خورشید عالم ماحولیاتی تبدیلی اورشبیر احمد عثمانی امور کشمیر و گلگت بلتستان وزارت کا کوآرڈینیٹر ہوں گے۔
