فزیکل ٹریننگ آرمی اسکول کاکول میں قومی کرکٹ ٹیم کے کھلاڑیوں کی فزیکل اور ذہنی تربیت کا ’ بوٹ ‘ کیمپ ختم ہوگیا ہے۔
قومی کرکٹ ٹیم کے کھلاڑیوں کا یہ کیمپ 10 روز تک جاری رہا، جس میں تمام کھلاڑیوں کو سخت ذہنی اور جسمانی تربیتی مشقیں کروائی گئیں۔
اس تربیتی کیمپ کے دوران کرکٹرز کو اپنے ساتھی کھلاڑی کو کاندھے پر اٹھاکر دوڑایا گیا اس ان سے اسپرنٹ بھی لگوائی گئیں۔ قومی کرکٹرز نے اس ’بوٹ‘ کیمپ کے دوران دیواریں پھلانگنے اور پہاڑی پر چڑنے کا عملی مظاہرہ بھی کیا۔
کاکول تربیتی کمیپ کے دوران سب سے زیاد مشکلات پاکستان کے نوجوان کرکٹر اور وکٹ کیپر اعظم خان کو پیش آئیں، جن کا وزن زیادہ ہونے کی وجہ سے وہ انسٹکٹرز اور اپنے ساتھی کھلاڑیوں کی توجہ کا مرکز رہے۔
اعظم خان نے رسہ کشی کے مقابلے میں بھی زور آزمائی کی اور پہاڑوں پر چڑنے کی مشقیں بھی کیں جہاں ان کے ساتھی کرکٹرز انتظار ہی کرتے رہ جاتے۔اعظم خان کو ٹاسک مکمل کرنے پر ساتھی کھلاڑیوں کی داد بھی ملتی رہی ۔
