خوبرو پاکستانی اداکارہ صبا قمر نے عید پر لگائی گئی مہندی سے اپنے ہونے والے ’دلہے‘ کے حوالے سے نیا اشارہ دے دیا۔
سماجی رابطے کی سائٹ انسٹاگرام پر اداکارہ صبا قمر نے ایک مختصر ویڈیو جاری کی جس میں انہوں نے اپنی انگلیوں پر مہندی سے انگریزی میں ’شانو‘ کا نام اپنی انگلیوں پرلکھوایا ہوا تھا۔ یہ ویڈیو دیکھتے ہی مداحوں کی بڑی تعداد نے اداکارہ سے کمنٹس کی صورت میں سوالات کی بھرمار کردی۔
اداکارہ کے مہندی سے لکھے گئے اس لفظ پر چہ مگوئیاں ہونا شروع ہوگئیں کہ آخر یہ شانو کون ہے؟ واضح رہے کہ پاکستان اور بھارت میں عموماً مہندی کے ڈیزائن میں لڑکیاں اپنے شوہر، منگیتر یا محبوب کا نام لکھواتی ہیں۔
گزشتہ سال اداکارہ صبا قمر نے ایک کیک کی ویڈیو جاری کی تھی جس پر لکھا تھا:’شانو کی پری۔
View this post on Instagram
اس کے بعد رواں ماہ اپنی سالگرہ کے دن ایک اسٹوری میں انہوں نے اپنی تصویر کھینچنے والے شخص کی جانب دیکھتے ہوئے ہاتھ میں گلدستہ تھامے تصویر شئیر کی، جس کے ساتھ انہوں نے ’آئی لو یو‘ لکھا تاہم انہوں نے کسی کو ٹیگ کرنے سے گریز کیا۔
