سابق قومی کرکٹر ناصر جمشید نے اپنی غلطی کا احساس کرتے ہوئے 7 سال بعد قوم سے معافی مانگ لی۔
سابق ٹیسٹ کرکٹر ناصر جمشید کو پاکستان سپر لیگ اور بی پی ایل میں اسپاٹ فکسنگ کرنے کے جرم میں 10 سال کی پابندی کا سامنا ہے۔
I won’t forgive myself for what I did with my career and I am truly sorry but I will try to pass my talent on to my daughter and give her the best chance pic.twitter.com/NNpevCNqho
— Nasir Jamshaid (@nasirjamshaid77) April 14, 2024
ناصر جمشید کو اس جرم کی سزا کے طور پر برطانیہ میں 17 ماہ قید کی سزا بھی کاٹنا پڑی تھی، 2017 کے پی ایس ایل اسکینڈل کے وہ مرکزی کردار تھے۔
اب سابق اوپننگ بیٹر نے کہا ہے کہ وہ اپنے کیے پر شرمندہ ہیں اور معافی کے طلبگار ہیں۔
ناصر جمشید نے سوشل میڈیا پر جاری اپنے ایک بیان میں کہاکہ جو کچھ کیا اس پر شرمندگی ہے، جو اپنے کیریئر کے ساتھ کیا اس پر خود کو معاف نہیں کر پاؤں گا۔
انہوں نے سوشل میڈیا پر اپنی بیٹی کی ٹریننگ کی ایک ویڈیو پوسٹ کی اور لکھا کہ کوشش کروں گا اپنا ٹیلنٹ بیٹی کو منتقل کرسکوں۔