بیرون ملک بیٹھ کر پاکستان اداروں کے خلاف پروپیگنڈا کرنے والا عادل راجا بے نقاب ہوگیا۔
اب برطانیہ کی عدالت نے بھی عدال راجا کو جھوٹا اور فراڈیا قرار دیدیا ہے۔
رپورٹ کے مطابق عادل راجا فیک نیوز پھیلانے کی علامت بن گیا ہے، پاک فوج میں کورٹ مارشل شدہ بھگوڑا اب برطانوی عدالت میں بھی مجرم قرار پایا ہے۔
مزید پڑھیں
برطانوی عدالت کے فیصلے نے پاک فوج کے کورٹ مارشل پر بھی مہر تصدیق ثبت کردی، برطانوی عدالت میں شکست سے عادل راجا سمیت پی ٹی آئی کے جھوٹے بیانیے کا قلع قمع ہوگیا۔
یہ عادل راجا کی ہی نہیں بلکہ اس کے تمام فالورز خصوصاً پی ٹی آئی کے مکروہ اور ریاست دشمن بیانیے کی شکست ہے، کیونکہ پی ٹی آئی کی قیادت عادل راجا کے جھوٹے بیانیے میں شراکت دار تھی۔
پی ٹی آئی کی صفوں میں عادل راجا کو سوشل میڈیائی دیوتا کی طرح پوجا جاتا رہا، پاکستانی عدالتوں، ججوں، پولیس اور پاک فوج کو ہدف تنقید بنانے کے بعد کیا اب پی ٹی آئی برطانوی عدلیہ کو بھی مسترد کرےگی؟۔
عادل راجا کے بے نقاب ہونے سے یہ بھی ثابت ہوگیا کہ پی ٹی آئی جیسے کلٹ کس طرح پروان چڑھتے ہیں، برطانوی عدالت کا فیصلہ محض عادل راجا نہیں بلکہ حیدر مہدی، معید پیرزادہ، ایس وجاہت اور شاہین صہبائی جیسے جھوٹوں کو بھی بے نقاب کرگیا ہے جو ہمہ وقت ریاست اور فوج دشمن پروپیگنڈے میں مصروف ہیں۔
عادل راجا کی معافی کی کوششیں دراصل مکاری اور عیاری کا ثبوت
قانون کے شکنجے میں آنے کے بعد عادل راجا کی معافی کی کوششیں دراصل مکاری اور عیاری کا ثبوت ہیں، ایسے آستین کے سانپوں کو قانون کے مطابق کیفر کردار تک پہنچانا ضروری ہے۔
عالمی سطح پر بے نقاب ہونے کے بعد پی ٹی آئی کی جانب سے ڈیلی ڈھالی لا تعلقی کا اظہار ناکافی ہوگا، پی ٹی آئی کی قیادت کو عوامی سطح پر عادل راجا سے شراکت پر معافی مانگنی چاہیے۔
ایک جانب بھارت اختلاف رائے پر ریاستی دہشت گردی کے ذریعے بیرون ملک قتل و غارت گری میں مصروف ہے جبکہ دوسری جانب پاکستان نے بدترین غداروں کی سرکوبی کے لیے قانونی راستہ اپنا کر ذمہ دار ریاست ہونے کا ثبوت دیا ہے۔
واضح رہے کہ برطانوی عدالت نے ہتک عزت کے کیس میں عادل راجا پر 10 ہزار پاؤنڈ جرمانہ عائد کیا ہے۔
