وزیراعلیٰ بلوچستان میر سرفراز بگٹی نے بلوچستان کے ننھے گلوکار کی مدد کا اعلان کیا ہے۔
سوئی ڈیرہ بگٹی کے بوٹ پالش کرنے والے ننھے گلوکار طارق کی ویڈیو سوشل میڈیا پر وائرل ہوگئی جس نے دھوم مچا دی۔
مزید پڑھیں
وزیراعلیٰ بلوچستان میر سرفراز بگٹی کی جانب سے ننھے گلوکار طارق کی بھرپور پذیرائی کی گئی۔
وزیراعلیٰ بلوچستان سرفرازبگٹی نے ننھے گلوکار کے تمام تعلیمی اخراجات سرکاری سطح پر اٹھانے کا اعلان کیا ہے۔ اور اس حوالے سے ضلعی انتظامیہ کو ہدایات جاری کردی ہیں۔
گلوکار طارق کی والد کے ہمراہ ڈپٹی کمشنر ڈیرہ بگٹی سے ملاقات
دوسری جانب ننھے گلوکارطارق اور اس کے والد نے ڈپٹی کمشنر ڈیرہ بگٹی اظہرشہزاد سے ملاقات کی۔
اس موقع پر ڈپٹی کمشنر ڈیرہ بگٹی اظہر شہزاد نے کہاکہ وزیراعلیٰ بلوچستان کی ہدایت پر طارق کے تمام تعلیمی اخراجات حکومت اٹھائے گی۔
انہوں نے کہاکہ سوئی سے اسکول پرنسپل کو بلا کر جلد گلوکار طارق کا داخلہ کروایا جائے گا۔
انہوں نے کہاکہ طارق نے گلوکاری میں جس طرح ڈیرہ بگٹی کا نام روشن کیا ایسے ہی تعلیمی میدان میں اپنا آپ منوانے کے لیے محنت کریں گے۔
ڈپٹی کمشنر نے کہاکہ وزیراعلی بلوچستان سرفرازبگٹی کی ہدایت پر طارق کے دیگر بہن بھائیوں کے لیے تعلیم کے حوالے سے تعاون کیا جائے گا۔
انہوں نے کہاکہ گلوکار طارق ایک غریب گھرانے سے تعلق رکھتا ہے اس لیے وزیراعلیٰ بلوچستان نے ان کی بھر پورمعاونت کرنے کی ہدایت کی ہے۔
