عمران خان کی بالی ووڈ میں واپسی، ماموں عامر خان کی فلم میں جلوہ گر ہوں گے

بالی ووڈ اداکار عمران خان پھر سے فلموں میں اداکاری شروع کرنے پر غور کررہے ہیں۔

بھارتی میڈیا کے مطابق، عمران خان کو ان کے ماموں عامر خان کی پروڈکشن میں بننے والی فلم ’ہیپی پٹیل‘ میں کام کی آفر کی گئی ہے۔

’دہلی بیلی‘ ایکٹر عمران خان نے 8 ماہ قبل اعلان کیا تھا کہ وہ پھر سے فلموں میں اداکاری شروع کررہے ہیں اور اب ’ہیپی پٹیل‘ میں کام کی حامی بھر کر انہوں نے اپنی فلموں میں واپسی کنفرم کردی ہے۔

میڈیا رپورٹس کے مطابق،’ہیپی پٹیل‘ مزاح سے بھرپور فلم ہوگی جس میں عمران خان بھی ایک مزاحیہ کردار ادا کریں گے۔

اس فلم کی شوٹنگ کا آغاز گوا میں ہوگیا ہے۔ اس فلم کے ڈائریکٹر ویر داس ہوں گے۔ یہ بطور ڈائریکٹر ان کی پہلی فلم ہوگی۔

ویر داس اور عمران خان اس سے پہلے مشہور کامیڈی فلم ’دہلی بیلی‘ میں ایک ساتھ اسکرین پر نظر آئے تھے۔ فلم ’دہلی بیلی‘ کے پروڈیوسر بھی بالی ووڈ اسٹار عامر خان تھے۔