اڈیالہ جیل میں قید بانی پاکستان تحریک انصاف عمران خان نے پڑھنے کے لیے نئی کتابیں منگوا لیں۔ عمران خان کو جیل میں یہ کتابیں رہنما پی ٹی آئی و ایڈووکیٹ سلمان اکرم راجا نے بھجوائی ہیں جس کی تصدیق انہوں نے خود ’ایکس‘ پر جاری اپنی ایک پوسٹ میں کی۔
مزید پڑھیں
انہوں نے لکھا کہ ’کتابیں شیئر کرنا اور آئیڈیاز پر بات کرنا بہت دلچسپ ہے، عمران خان کتب بینی کا بے انتہا شوق رکھتے ہیں‘۔
عمران خان کے لئیے اڈیالہ جیل میں کتابیں پہنچ گئی یہ کتابیں بیرسٹر @salmanAraja نے بھجوائی ہے pic.twitter.com/6LbUlzeHVx
— Mudasir Rehman (@IMudasirRehman) April 29, 2024
سلمان اکرم راجا نے مزید بتایا کہ پچھلی بار عمران خان نے ٹالسٹائی کے ناول ’حاجی مراد‘ کا ذکر کیا تھا جوکہ 19ویں صدی میں چیچنیا کے حریت پسند رہنما سے متعلق ہے۔سوشل میڈیا پر وائرل تصاویر کے مطابق عمران خان کو اڈیالہ جیل میں بھجوائی گئی کتابوں میں Selected works of Mao Zedong اور لیو ٹالسٹائی کی مشہور کتاب War and Peace شامل ہیں۔
واضح رہے کہ عمران خان القادر ٹرسٹ کیس اور سائفر کیس میں گزشتہ برس سے اڈیالہ جیل میں قید ہیں اور 9 مئی، توشہ خانہ اور دورانِ عدت نکاح کیس سمیت متعدد دیگر مقدمات کا بھی سامنا ہے۔
