اسلام آباد ہائی کورٹ بار ایسو ایشن نے بیرسٹر حسان نیازی کی گرفتاری کی مذمت کرتے ہوئے ان سمیت دیگر وکلاء کو فوری رہا کرنے کا مطالبہ کیا ہے۔
اسلام آباد ہائی کورٹ بار ایسوسی ایشن نے اپنے اعلامیے میں کہا ہے کہ جوڈیشل کمپلیکس میں وکلا کی غیر قانونی گرفتاریوں اور وکلا کو عدالتوں میں پیش ہونے سے روکنے کی پر زور مذمت کرتے ہیں۔
اعلامیہ میں کہا گیا کہ وکلا کو تحفظ فراہم کیا جائے ورنہ آئندہ کے لائحہ عمل کا اعلان کریں گے۔
اسلام آباد ہائی کورٹ بار ایسوسی ایشن کے صدر نوید ملک اور سیکرٹری رضوان شبیر کیانی کی جانب سے مذمتی اعلامیہ جاری کیا گیا ہے۔
