وزیر اعظم شہباز شریف نے ایرانی صدر ابراہیم رئیسی، وزیر خارجہ حسین امیر عبد اللہیان و دیگر حکام کی ہیلی کاپٹر حادثے میں موت پر ایران کے شہر تہران میں تعزیتی تقریب میں شرکت کی۔
شہباز شریف کے ہمراہ نائب وزیراعظم و وزیر خارجہ اسحاق ڈار، وفاقی وزیر داخلہ سید محسن رضا نقوی، وفاقی وزیر اطلاعات و نشریات عطا اللہ تارڑ اور وزیر اعظم کے معاون خصوصی طارق فاطمی بھی تھے۔
تعزیتی دورے کے موقع پر وزیرِاعظم شہباز شریف کی ایک ویڈیو سوشل میڈیا پر وائرل ہو رہی ہے جس میں عطا تارڑ کو موبائل فون سے شہباز شریف کی ویڈیو بناتے دیکھا جا سکتا ہے جس پر صارفین کی جانب سے تنقیدی تبصرے کیے جا رہے ہیں۔
اظہر مشوانی نے لکھا کہ فاتحہ کے لیے ایران پہنچنے والوں کی بھاگ بھاگ کر ویڈیوز بنانے والا کوئی ٹک ٹاکر نہیں بدقسمتی سے پاکستان کا وفاقی وزیر اطلاعات عطا تارڑ ہے، انہوں نے تنقید کرتے ہوئے کہا کہ فارم 45 ٹولہ پاکستان کو ہر جگہ ذلیل کروانے کے مشن پر ہے۔
فاتحہ کے لیے ایران پہنچنے والوں کی بھاگ بھاگ کر ویڈیوز بنانے والا کوئی ٹک ٹاکر نہیں بدقسمتی سے پاکستان کا وفاقی وزیر اطلاعات عطا تاررڑ ہے
فارم 45 ٹولہ پاکستان کو ہر جگہ ذلیل کروانے کے مشن پر ہے pic.twitter.com/Zlq8XmwAuS
— Azhar Mashwani (@MashwaniAzhar) May 23, 2024
صحافی عمران خان نے ویڈیو پر تبصرہ کرتے ہوئے لکھا کہ چھوٹے لوگ بڑے عہدے۔
چھوٹے لوگ بڑے عہدے۔۔۔ https://t.co/XEVIXRhGAq
— Imran Khan (@ImranRiazKhan) May 23, 2024
صدیق جان لکھتے ہیں کہ 25 کروڑ لوگوں کے واحد اسلامی ایٹمی پاور ملک کے وزیر اطلاعات صاحب کی صورت حال یہ ہے، انہوں نے مزید کہا کہ یاد رہے یہ تعزیت پر گئے ہیں کسی شادی یا سیر و تفریح پر نہیں۔
25 کروڑ لوگوں کے واحد اسلامی ایٹمی پاور ملک کے وزیر اطلاعات صاحب کی صورت حال ۔۔۔۔
یاد رہے یہ تعزیت پر گئے ہیں ،کسی شادی یا سیر و تفریح پر نہیں https://t.co/oKTkCErGXD— Siddique Jan (@SdqJaan) May 23, 2024
احمد وڑائچ نے کہا کہ مریم اورنگزیب وزیر اطلاعات تھیں تو وہ غیرملکی دوروں میں وزیراعظم کی ویڈیوز بنایا کرتی تھیں، اب عطا تارڑ بھی بھاگ دوڑ کر ویڈیو بنا رہے ہیں، شاید یہ لازمی ملازمت کا حصہ ہو۔ صارف کا کہنا تھا کہ عموماً ایسے مواقع پر وزرا کا میزبانوں سے سلام وغیرہ لینا مناسب لگتا ہے۔
مریم اورنگزیب وزیر اطلاعات تھیں تو وہ غیرملکی دوروں میں وزیراعظم کی ویڈیوز بنایا کرتی تھیں، اب عطا تارڑ بھی بھاگ دوڑ کر ویڈیو بنا رہے ہیں، شاید یہ لازمی ملازمت کا حصہ ہو۔
ویسے عموماً ایسے مواقع پر وزرا کا میزبانوں سے سلام وغیرہ لینا مناسب لگتا ہے۔pic.twitter.com/OUXsiLjv1g
— Ahmad Warraich (@ahmadwaraichh) May 23, 2024
ایک ایکس صارف نے تنیقد کرتے ہوئے لکھا کہ یہ ایرانی صدر کی تعزیت کرنے گئے ہیں یا ویڈیو بنانے، جب کیمرہ مین نہیں ملا تو وفاقی وزیر اطلاعات عطا تارڑ خود ہی موبائل پکڑ کر ویڈیو بنانے لگ گئے۔
یہ ایرانی صدر کی تعزیت کرنے گئے ہیں یا ویڈیو بنانے ، اور جب کیمرہ مین نہی ملا تو وفاقی وزیر اطلاعات عطا تارڑ خود ہی موبائل پکڑ کر ویڈیو بنانے لگ گئے،
ان بیشرموں کو عقل دینے والا بھی نہیں سب بے عقلے ایک جیسے ہی ہیں۔pic.twitter.com/AO2hv7oypC
— Mohammad Shahzaib (@shahzeb___) May 23, 2024
یاد رہے کہ ایرانی صدر ابراہیم رئیسی کو لے جانے والا ہیلی کاپٹر 19 مئی کو آذربائیجان کی سرحد پر ڈیم کی افتتاحی تقریب سے واپس آتے ہوئے موسم کی خرابی کے باعث گر کر تباہ ہو گیا جس کے نتیجے میں ایرانی صدر، وزیر خارجہ حسین امیر عبد اللہیان و دیگر حکام جاں بحق ہوگئے تھے۔
ایرانی حکام نے 20مئی صبح ایرانی صدر اور وزیر خارجہ سمیت دیگر کی موت کی تصدیق کی تھی۔
ہیلی کاپٹر میں 9 افراد سوار تھے، جن میں صدر ابراہیم رئیسی، وزیر خارجہ امیر عبداللہیان، مشرقی آذربائیجان کے گورنر مالک رحمتی، تبریز کے امام سید محمد الہاشم،صدر کے سکیورٹی یونٹ کے کمانڈر سردار سید مہدی موسوی، باڈی گارڈ اور ہیلی کاپٹر کا عملہ موجود تھے۔
