حال ہی میں فوٹو اینڈ ویڈیو شیئرنگ ایپ انسٹاگرام پر وہاج علی کے فین پیج کی جانب سے یمنیٰ زیدی سے متعلق ایک ’میم‘ شیئر کی گئی تھی جس میں یمنیٰ زیدی کو ہمایوں سعید، وہاج علی، فیروز خان اور اذان سمیع خان کے ساتھ دیکھا جاسکتا ہے۔
فین پیج نے یمنیٰ زیدی کی ساتھی اداکاروں کے ہمراہ تصویر پوسٹ کرتے ہوئے لکھا کہ ’یمنیٰ بھی آلو کی طرح ہر ایک کے ساتھ فِٹ آجاتی ہے‘۔
یہ پوسٹ اداکار وہاج علی کو ناگوار گزری اور انہوں نے اس پر کمنٹ کرتے ہوئے لکھا کہ برائے مہربانی اس پوسٹ کو ہٹا دیں، اگر آپ میرے مداح ہیں تو آپ کو میرے دوستوں اور خاندان کا احترام کرنا چاہیے۔ اس کے بعدایڈمن کی طرف سے پوسٹ ہٹا دی گئی۔
یاد رہے کہ وہاج علی اور یمنی زیدی نے ہٹ ڈرامے ’تیرے بن‘ میں مرکزی جوڑے کے طور پر لوگوں کا دل جیت لیا اور یمنیٰ اب ’جینٹل مین‘ میں ہمایوں سعید کے ساتھ کام کر رہی ہیں۔
