نئے گوادر بین الاقوامی ہوائی اڈے کے لیے فلائٹ کیلیبریشن اور فلائٹ پروسیجر ڈیزائن کا سنگ میل طے کرلیا گیا۔
مزید پڑھیں
پاکستان سول ایوی ایشن کی پریس ریلیز مطابق سول ایویشن کے کیلیبریشن ایئرکرافٹ نے نئے رن وے پر کامیابی سے لینڈنگ کی۔
واضح رہے کہ ملکی ہوائی اڈوں پر رن ویز کی تعمیر کے بعد فضائی آپریشن سے قبل سول ایوی ایشن اتھارٹی کے مخصوص طیارے کے ذریعے لینڈنگ اور ٹیک آف کے مجموعی امورکی جانچ کی جاتی ہے۔
کیلیبریشن فلائٹ کو ایئرپورٹ پہنچنے پر ریسکیو اینڈ فائر فائیٹنگ سروسز کی جانب سے روایتی واٹر کینن سیلوٹ پیش کیا گیا۔
یہ اہم کامیابی چینی اور پاکستانی پروجیکٹ ٹیموں کی مشترکہ کوششوں کا نتیجہ ہے۔
ہوائی اڈے کے اس سال کی چوتھی سہ ماہی میں مکمل اور آپریشنل ہونے کا امکان ہے۔
نئے گوادر بین الاقوامی ہوائی اڈے کی تکمیل سے گوادر اور اس کے آس پاس کے علاقوں میں ترقی آئے گی۔
