پاکستان میں تیونس کے سفیر برہان الکامل طویل علالت کے بعد انتقال کر گئے ہیں۔ ان کی وفات کا اعلان ان کے صاحبزادے نے کیا، جنہوں نے اسلام آباد میں سفارتی برادری اور اپنے والد کے دوستوں کے ساتھ یہ افسوسناک خبر شیئر کی۔
انہوں نے کہاکہ ’ انتہائی دکھ کے ساتھ یہ اعلان کرتا ہوں کہ پاکستان میں تیونس کے سفیراور میرے والد برہان الکامل جمعرات کی صبح انتقال کر گئے ہیں‘۔
برہان الکامل کا انتقال اپنے آبائی شہرنابل، تیونس میں ہوا۔ وہ پاکستان آمد کے بعد سے صحت کے سنگین مسائل سے دوچار تھے اور اکثر تفصیلی طبی معائنے کے لیے تیونس واپس جانا پڑتا تھا۔
پاکستان میں سفارتی برادری نے ان کے انتقال پر گہرے دکھ اور صدمے کا اظہار کیا ہے۔
