دنیا کی تیز ترین ریڑھی نے ورلڈ ریکارڈ قائم کردیا

ایک برطانوی مکینک نے گنیز ورلڈ ریکارڈ توڑ دیا جب اس نے اپنی موٹر سے چلنے والی وہیل بیرو (wheelbarrow) کو 52.58 میل فی گھنٹہ کی رفتار تک پہنچا دیا۔

ڈیلن فلپس نے گنیز ورلڈ ریکارڈز کو بتایا کہ انہوں نے تفریح کے لیے اپنا سپر اسپیڈ گارڈن ٹول بنایا تھا، اس سے قبل کہ انہیں احساس ہوا کہ وہیل بیرو (wheelbarrow) اسپیڈ کے لیے عالمی ریکارڈ کی کیٹیگری موجود ہے۔

انہوں نے بتایا کہ ایک چھوٹی سی پریکٹس رن کے دوران 37 میل فی گھنٹہ کی رفتار حاصل کی اور پھر لینڈ اسپیڈ ریکارڈ پوچھا تو پتا چلا کہ ریکارڈ موجود ہے اور پھر میں نے اس احمقانہ چیز کے ساتھ کچھ کرنے کا فیصلہ کیا جو میں نے بنایا تھا۔

فلپس نے یارکشائر کے ایلونگٹن ایئر فیلڈ میں اسٹریٹ لائنرز اسپیڈ ویک 2024 کے دوران ریکارڈ توڑ دوڑ لگائی۔ ان کا کہنا تھا کہ پہیوں کو تیز رفتاری تک لے جانا تکلیف دہ اور خوفناک ہے۔ دوڑ شروع کرنے کے بعد مڑ کر نہیں دیکھا شکر ہے کہ کوئی حادثہ نہیں ہوا۔