ٹی20 ورلڈ کپ 2024 کی نشریات کہاں کہاں دکھائی جارہی ہے؟

امریکا اور ویسٹ انڈیز میں جاری ٹی20 ورلڈ کپ2024 دیکھنے کے لیے شائقین کرکٹ بے تاب ہیں لیکن زیادہ تر شائقین لائیو اسٹریمنگ کے بارے میں لاعلم ہونے کی وجہ سے میچز نہیں دیکھ پا رہے ہیں، ان شائقین کرکٹ کی آسانی کے لیے وی نیوز نے ایک لسٹ تیار کی ہے جس میں کرکٹ ورلڈ کپ کی لائیو اسٹریمنگ کرنے والی ایپس اور ویب سائٹس کے نام درج ہیں۔

آئی سی سی ٹی20 کرکٹ کے سب سے بڑے ایونٹ ورلڈ کپ2024 کی دنیا بھر میں لائیو اسٹریمنگ کے لیے اپنے اسمارٹ فون پر اسپورٹس سینٹرل (Sports Central) کے ذریعے دیکھ سکتے ہیں۔ جن ملکوں میں اس ویب سائٹ کی سہولت فراہم نہ ہو تو وہاں پر کسی بھی وی پی این کا استعمال کیا جا سکتا ہے۔

پاکستان کے اندر موبائل ایپ کے ذریعے ٹی20 ورلڈ کپ کی لائیو اسٹریمنگ 3 جگہوں پر دیکھی جا سکتی ہے، جن میں مائیکو (Myco)، تماشا (Tamasha) اور ٹیپ میڈ (Tap Mad) شامل ہیں۔

ویب پر لائیو اسٹریمنگ دیکھنے کے لیے پی ٹی وی اسپورٹس (PTV Sports)، تماشا (Tamsha) اور ٹیپ میڈ (Tap Mad) پر ویزٹ کیا جاسکتا ہے۔ ٹیلی ویژن اسکرینز پر لائیو دیکھنے کے لیے پی ٹی وی اسپورٹس اور ٹین اسپورٹس پر دیکھ سکتے ہیں۔

دنیا بھر میں لائیو اسٹریمنگ کے لیے اسپورٹس سینٹرل (Sports Central) امریکا اور کینیڈا میں ویلو ٹی وی (Willow Tv)، برطانیہ اور آئرلینڈ میں سکائے اسپورٹس (Sky Sports) پر لائیو میچ دیکھا جا سکتا ہے۔

متحدہ عرب امارات، گلف ریجن سمیت شمالی افریقا میں لائیو اسٹریمنگ کے لیے اسٹارز آن (StarzOn)، اسٹارز پلے (StarzPlay) پر ٹی20 ورلڈ کپ کے لائیو میچز دیکھے جاسکتے ہیں۔