افریقی ملک ملاوی کے نائب صدر کا طیارہ پرواز کے دوران لاپتا ہوگیا ہے۔
غیرملکی میڈیا رپورٹس کے مطابق ملاوی کے نائب صدر ساؤلوس کلاؤس سمیت 10 افراد لاپتا ہونے والے طیارے میں سوار تھے۔
مزید پڑھیں
برطانوی میڈیا کے مطابق طیارہ اڑان بھرنے کے کچھ دیر بعد ریڈار سے غائب ہوگیا، ایئرفورس کے طیارے نے دارالحکومت لیلونگوے سے موزوزو جانا تھا۔
دوسری جانب ملاوی کے صدر نے احکامات جاری کیے ہیں کہ طیارے کو ڈھونڈنے کے لیے اقدامات کیے جائیں۔
ملاوی کے صدر لازارس چکویرا نے بہاماس کے لیے طے شدہ فضائی سفر بھی منسوخ کردیا ہے اور صورتحال کا جائزہ لے رہے ہیں۔
