انٹرنیشنل کرکٹ کونسل (آئی سی سی) ٹی20 ورلڈ کپ کے 25ویں میچ میں بھارت نے امریکا کو 7 وکٹوں سے شکست دے دی، اور سپر ایٹ مرحلے کے لیے کوالیفائی کرلیا ہے۔
آج کا میچ امریکی شہر نیویارک میں کھیلا گیا جہاں بھارتی کپتان روہت شرما نے ٹاس جیت کر امریکا کو پہلے بیٹنگ کرنے کی دعوت دی۔
مزید پڑھیں
امریکا کی ٹیم نے پہلے بیٹنگ کرتے ہوئے مقررہ 20 اوورز میں 110 رنز اسکور کیے۔ اور جواب میں بھارتی ٹیم نے ہدف 19ویں اوور میں 3 وکٹوں کے نقصان پر حاصل کرلیا۔
امریکا کی جانب سے نتیش کمار 27 اور ٹیلر 24 رنز بناکر نمایاں کھلاڑی رہے، اس کے علاوہ کورے اینڈرسن نے 15 اور ہرمیت سنگھ نے 10 رنز اسکور کیے۔
انڈیا کی جانب سے ارشدیپ سنگھ نے 4 کھلاڑیوں کو پویلین کی راہ دکھائی جبکہ ہاردک پانڈیا نے 2 اور اکسر پٹیل نے ایک کھلاڑی کو آؤٹ کیا۔
بھارت کی اننگز
امریکا کے 111 رنز کے ہدف کے تعاقب میں بھارتی ٹیم اچھا آغاز تو نہ کرسکی تاہم ان کا مڈل آرڈر کامیاب رہا۔
اننگز کے آغاز میں ہی روہت شرما اور ویرات کوہلی پویلین لوٹ گئے، جس کے بعد رشبھ پنت میدان میں آئے اور 18 رنز بنا کر چلتے بنے۔
اس کے بعد سوریا کمار یادیو اور شیوم دوبے نے ذمہ دارانہ بیٹنگ کا مظاہرہ کیا اور ہدف حاصل کرنے میں کامیاب رہے۔
امریکا کی جانب سے سوربھ نیٹراوالکر نے 2 کھلاڑیوں کو پویلین بھیجا جبکہ علی خان ایک کھلاڑی کو آؤٹ کرنے میں کامیاب رہے۔
