معروف گلوکار ملکو اور سارا الطاف نے اپنے سپر ہٹ گانے ’نک دا کوکا‘ کا نیا ورژن ’پاک فوج نے اپنا فرض نبھانا اے‘ متعارف کروا دیا ہے جو پاک فوج کے حق میں ہے۔ گانے کا نیا ورژن سامنے آنے کے بعد صارفین کا کہنا ہے کہ اب ملکو کا نام پی این آئی لسٹ میں سے نکال دیا جائے گا اور انہیں باہر جانے کی اجازت دے دی جائے گی۔
ایک صارف نے لکھا کہ آخر گلوکار ملکو سے بھی جبری ترانہ کہلوا لیا گیا۔
اور آخر ملکو سے بھی جبری ترانہ کہلوا لیا گیا 🤣 pic.twitter.com/IKyIKInQpq
— Liaqat Gondal (@liaqat6029) June 21, 2024
صارفین گانے کے بول شیئر کرتے ہوئے حیرانی کا اظہار کررہے ہیں کہ گلوکاروں کو آخر راتوں رات کیا ہو گیا ہے۔ صحافی طارق متین نے گلوکارہ سارا الطاف کا گانا شیئر کیا جس میں وہ فوج کی تعریف کرتے ہوئے کہتی ہیں کہ ’نعرہ گج وج کے ہر میدان اچ لایا اے اوکھے ویلے فوج نے ملک بچایا اے‘۔
نعرہ گج وج کے ہر میدان اچ لایا اے
اوکھے ویلے فوج نے ملک بچایا اے
نک دا کوکا کا نیا ورژن
pic.twitter.com/00j2EfsrJU— Tariq Mateen (@tariqmateen) June 21, 2024
جاوید اقبال لکھتے ہیں کہ صرف باہر جانے سے روکنے پر ’نک دا کوکا‘ پلٹی مار گیا ساتھ ہی انہوں نے تحریک انصاف کے حامیوں کو مخاطب کرتے ہوئے کہا کہ آج سے ملکو کو گالیاں دینے کا وقت ہو گیا ہے۔
صرف باہر جانے سے روکے جانے پر نک دا کوکا پلٹی مار گیا
🤣🤣یوتھیو، آجاؤ آج سے ملکو کو گالیاں دینے کا وقت ہوگیا 🤣 pic.twitter.com/zRTTG3m8YB
— Javed Iqbal (@javedeqbalpk1) June 21, 2024
ایک ایکس صارف نے کہا کہ یہ ملکو کو کیا ہو گیا ہے، ساتھ ہی انہوں نے سوال کیا کہ یہ اصل گانا ہے یا کسی نے شرارت کی ہے۔
یہ ملکو کو کیا ہو گیا یہ اصل ہے یا کسی نے شرارت کی ہے 🤨
pic.twitter.com/Dly2ceYolD— RAShahzaddk (@RShahzaddk) June 21, 2024
فیاض شاہ نے لکھا کہ کیا ملکو کا سافٹ ویئر اپڈیٹ ہو گیا ہے؟
سافٹ وئیر اپڈیٹ ہو گیا اِس کا؟ pic.twitter.com/HbERDdp3fb
— Fayyaz Shah (@RebelByThought) June 21, 2024
ہانیہ ملک نے کہا کہ گلوکار ملکو کامشہور گانا ’نک دا کوکا‘ کا نیا ورژن سامنے آنے کے بعد لگتا ہے ان کا نام ای سی ایل سے نکال دیا جائے گا۔
گلوکار ملکو کا “نک دا کوکا” کا نیا ورژن آیا ہے لگتا ہے اسکے بعد اسکا نام ECL سے نکال دیا جائے گا 😂😂😭
— Hania Malik (@HMalik_pti) June 21, 2024
ایک ایکس صارف نے مزاحیہ انداز میں لکھا کہ ’ملکو نے ملکوں بار وی تے جانا اے‘ (ملکو نے ملک سے باہر بھی تو جانا ہے)۔
ملکو نے مُلکوں باہر وی تے جانا ہے۔ https://t.co/3H5SSLLEru
— اڑ_پھس 🇵🇰 (@MIrfanAsif8) June 21, 2024
واضح رہے کہ گزشتہ دنوں معروف گلوکاروں ملکو اور سارا الطاف کو نام پی این آئی لسٹ میں شامل ہونے کی وجہ سے لندن جانے سے روک دیا گیا تھا، دونوں گلوکار شوز کے لیے لندن جا رہے تھے۔
گلوکار ملکو نے حکومت سے اپیل کی تھی کہ ان کا نام پی این آئی لسٹ سے نکالا جائے کیونکہ لندن میں شوز نہ کرنے سے انہیں اور ان کے پروموٹرز کو بہت نقصان ہوگا۔
گلوکار ملکو کا کہنا تھا کہ آرٹسٹ ہمیشہ سانجھا ہوتا ہے سب کے لیے گانے گائے ہیں، پوری دنیا کے شائقین مجھے سننا چاہتے ہیں، آف لوڈ کر دیا جائے تو پوری دنیا میں کیا میسج جائے گا۔
گلوکار کا مزید کہنا تھا کہ میں نے بیرون ملک جا کر پیسہ پاکستان لے کر ہی آنا تھا جس کی وجہ سے کتنے لوگوں کے گھروں کے چولہے جلنے تھے۔
ملکو کو آف لوڈ کرنے کے بعد صارفین کی جانب سے حکومت پر تنقید کی جا رہی تھی کہ عمران خان سے اختلاف ضرور کریں لیکن پابندیوں سے اس گانے کی مقبولیت میں مزید اضافہ ہو گا، گانے سے اتنا مت گھبرائیں۔
پاکستانی گلوکار ملکو کے عمران خان کے حوالے سے گائے گئے گانے ’نک دا کوکا‘ نے مقبولیت کے کئی ریکارڈ توڑے تھے۔
