نجی ٹیلی ویژن کے پروگرام مکالمہ سے وائرل ہونے والی لڑکی عزبہ عبداللہ جنہوں نے اسپیکر ساحل عدیم کو خواتین کو جاہل کہنے پر معافی کا مطالبہ کیا تھا انہوں نے ایک نئی ویڈیو سوشل میڈیا پر شیئر کر دی ہے جس میں ان کا کہنا تھا کہ پاکستان میں 55 فیصد خواتین ہیں اور ساحل عدیم نے ان کو جاہل کہا ہے ہم اس طرح کا بیان کیسے برداشت کرسکتے ہیں۔
عزبہ عبداللہ نے کہا کہ ہماری خواتین زندگی کے ہر شعبہ میں کارہائے خدمات انجام دے رہی ہیں، شروع میں ساحل عدیم سے صرف میرا مطالبہ تھا کہ معافی مانگیں اب تمام پاکستانی خواتین بھی یہی چاہتی ہیں۔
تمام دوستوں کا بہت شکریہ۔ آپکی آواز ہی ہم سبکی آواز ہے۔ اس ملک کو بنانے سے لیکر آج تک خواتین کی بے شمار قربانیاں ہیں۔ کوئی بھی شخص اگر خواتین کی قابلیت پر اگر ایسے بیانات جاری کرے گا تو اسے جوابدہ ہونا ہوگا۔ اب تک نہ ہی تو خواتین کیلئے نازیبا ریمارکس واپس لیےگئے نہ معافی کہی گئی؟ pic.twitter.com/EQo1WsP5u8
— Azba Abdullah (@AzbaAbdullah) July 1, 2024
عزبہ کی ویڈیو پر صارفین کی جانب سے مختلف ردعمل کا اظہار کیا جا رہا ہے۔ صحافی سحرش مان لکھتی ہیں کہ طاغوتی طاقتوں کو آئینہ دکھانے پر شاباش۔
طاغوتی طاقتوں کو آئینہ دکھانے پر شاباش۔
More power to you ❤️👏🏻— Sehrish Maan (@SMunirMaan) July 1, 2024
شاد احمد نے کہا کہ پاکستان کی خواتین کو اپنے حقوق اور معاشرے میں اپنی حیثیت کے لیے خود لڑنا ہوگا، حق اور رتبہ کوئی پلیٹ میں رکھ کر نہیں دیتا ہے۔ آپ نے ٹی وی پروگرام میں اپنے لیے آواز اٹھائی آپ کی ہمت و جرات کو سلام۔
پاکستان کی خواتین کو اپنے حقوق اور سماج میں اپنی حیثیت کے لیے خود لڑنا ہوگا، کھڑا ہونا ہوگا۔۔۔حق اور رتبہ کوئی پلیٹ میں رکھ کر نہیں دیتا ہے۔
آپ نے ٹی وی پروگرام میں اپنے لیے آواز اٹھائی ۔۔۔ آپ کی ہمت و جرات کو سلام!!
— Shad Ahmad 🇵🇰 🏴 ☮️ 🕊️ (@iamshad) July 2, 2024
عظیم بٹ لکھتے ہیں کہ اب ہم نئے ٹرینڈ کے انتظار میں ہیں لیکن ساحل عدیم اب طاغوت کو ہمیشہ یاد رکھے گا۔
Waiting for your new Trend 😜 @AzbaAbdullah
۔
بہرحال #SahilAdeem اب طاغوت کو ہمیشہ یاد رکھے گا؟ https://t.co/fow7H7HFV5 pic.twitter.com/wYdjsVqVSu— Azeem Butt (@_AzeemButt) July 1, 2024
واضح رہے کہ موٹیویشنل اسپیکر ساحل عدیم نے کہا تھا کہ ملک کی 95 فیصد خواتین جاہل ہیں جس پرعزبہ عبداللہ نامی لڑکی نے کہا کہ ساحل عدیم خواتین سے معافی مانگیں۔
عزبہ کا مؤقف تھا کہ یہاں بیٹھ کر ایک مرد یہ فیصلہ نہیں کرسکتا کہ کتنے فیصد خواتین جاہل ہیں، اور دوسرا طاغوت کی بات کرنے پر کیا آپ جانتے ہیں اسلامی نظریاتی کونسل کا کیا ردعمل ہوگا، آپ کو پہلے معافی مانگنی چاہیے؟
لڑکی کی جانب سے بار بار معافی کے مطالبے پر ساحل عدیم نے جواب دیا جس کو ایک چیز کا پتہ نہ ہو تو اس کو کیا کہتے ہیں؟ اس کو جاہل اس لیے کہیں گے کہ جاہل کو جاہل کہنا اسلام میں پہلا فرض ہے۔ لڑکی نے اپنی بات دہراتے ہوئے کہا کہ آپ نے جاہل کہہ دیا تو آپ معافی مانگ لیں، آپ کا کیا جاتا ہے۔ اس پر ساحل عدیم نے کہا کہ میں اس بات پر معافی مانگتا ہوں کہ میری بچیاں جاہل ہیں اور قوم سے معافی مانگتا ہوں۔
عزبہ عبداللہ اسی نجی چینل میں ایک جونیئر تجزیہ کار اور مواد تخلیق کار کے طور پر کام کرتی ہے۔ اس کے علاوہ انہوں نےدیگر نیوز چینلز پربھی کام کیا ہے۔
سوشل میڈیا صارفین کا کہنا ہے کہ عزبہ نے شہرت حاصل کرنے کے لیے یہ سب کیا جبکہ کئی صارفین ایسے بھی ہیں جو انہیں سراہتے نظر آتے ہیں اور ان کے عمل کی حمایت کر رہے ہیں۔
