آج کہاں بارش ہوگی اور کہاں گرمی و حبس کا سامنا رہے گا؟

ملک کے بیشتر علاقوں میں موسم  گرم اور مرطوب رہنے جبکہ چند مقامات پر بارش کی پیشگوئی کی گئی ہے۔

محکمہ موسمیات کے مطابق شمال مشرقی، جنوبی بلوچستان کے چند مقامات، بالائی کے پی، شمال مشرقی پنجاب، جنوب مشرقی اور زیریں سندھ میں بارش کا امکان ہے۔

یہ بھی پڑھیں: محکمہ موسمیات کی رواں ہفتے مزید مون سون بارشوں کی پیشگوئی

مری، گلیات، راولپنڈی، اٹک، جہلم، چکوال، تلہ گنگ، میانوالی، سیالکوٹ، نارووال، منڈی بہاؤ الدین، گجرات، گوجرانوالہ، لاہور، قصور، بہاولنگر میں چند مقامات پر تیز ہوئیں چلنے اور گرج چمک کے ساتھ بارش ہونے کی توقع ہے۔

خیبرپختونخوا کے بیشتر میدانی اضلاع میں موسم گرم اور مرطوب رہنے کا امکان ہیں تاہم دیر، سوات،چترال، کوہستان، شانگلہ،بونیر، بٹگرام، ایبٹ آباد، مانسہرہ، ہری پور، خیبر، مہمند، باجوڑ، مردان، پشاور، کرم، بنوں، کوہاٹ، کرک اور وزیرستان میں چند مقامات پر تیز ہواؤں اور گرج چمک کے ساتھ بارش ہونے کی پیشگوئی کی گئی ہے۔

اسلام آباد میں رات کو تیز ہواؤں، بارش کا امکان

دن کے وقت اسلام آباد اور گر دو نواح میں موسم گرم اور  مرطوب رہے گا۔

مزید پڑھیے: مون سون میں اسلام آباد اور راولپنڈی کے کن علاقوں میں سیلاب کا خطرہ ہے؟

؎اسلام آباد میں رات کے اوقات میں چند مقامات پر تیز ہواؤں اور گرج چمک کے ساتھ  بارش ہو سکتی ہے۔

کراچی میں حبس برقرار رہے گا

کراچی میں مطلع جزوی ابرآلود اور حبس کی صورتحال برقرار ہے، دن بھر سمندری ہوائیں معطل، مضافاتی علاقوں میں بارش کا امکان ہے۔ آج صبح کم سے کم درجہ حرارت 31 ڈگری سینٹی گریڈ رہا، شہر قائد کا موجودہ درجہ حرارت 33 ڈگری سینٹی گریڈ ہے، گرمی کی شدت 40 ڈگری تک محسوس کی جارہی ہے۔